سيما صمدي

يووا



گؤزلريم

باغلي دئيل ،

باغلييام سنه .

گئتمگين ، قالماغين

اؤز الينده دير .

من تكجه ، سئويره م .

سئومكدن باشقا ،

بيلميره م هئچ نه .

گليرم گؤزونده

يووا سالماغا ،

گؤزه ليم !

باخيشين بنزه يير ،

آنا تورپاغا !

آذربايجانا !

آردي-Ardı

معصومه شقاقي


بو سون چيرپينيشيم

بو سون يالواريشيم

بو سون آغلاييشيم

آسيل ساندا اؤلمه

ياشاميم سنين دوداقلاريندان

سو ايچير

آردي-Ardı

شريفه جعفري

پاييمي دانديز !!


داها قاييديرام گلديگيم يولدان

داها كولگه مي ده گؤرمه يه جكسيز

محببت گتيرديم پاي اوره ك - اوره ك

خياليزدا مني ديلنچي سانديز

دئديز آزمايينجا يازماقدا اولمور

آزديز

يازديز

شعير ياراتديز

اوزوزه گلندن سونرا ، دين كيمي

دونيانين تهمتين قادينا ياخيب ،

پاييمي ، عشقيمي

اؤزومو دانديز ...

آردي-Ardı

سانای فاروق

قارشیمی کسدی قیز گلین
یولارکن ساچلارینی
ائویمیز ییخیلدی
دئدیلر: آنامیز اؤلدو
سولوما باخدبم گولومسه‌یه‌رک
-بو دا اونودولار
اونودولار هر شئی دئدیم-
دئدیم

ایچیردیک هیچقیرا-هیچقیرا
توتارسیز دوشموشدوک خارابا بوجاغیندا
بیریسی اوره‌ییمیزده‌کی‌نین
سیزه خیانت ائدنلرین ساغلیغینا
دئیه سیپقاردی
ساغیما باخدیم گولومسه‌یه‌رک
-بو دا اونودولار
اونودولار هر شئی-
دئدیم

بیزی قولاقلادیلار
الیمیزده اعلان، بیلدیریش
هر نه‌یی داندیم
ییخدیم دوستلارین باشینا
یوخسا منی ده دوزلده‌جکدیلر
پولیس‌لر
دوستاق‌داکیلاردان خبریم یوخ
قارنیملا قارین آلتیندا باش آچانمیرام

بیر گون اوشاقکن
توپومو گؤتوروردوم
قارشیمی کسدی ایکی اوشاق
بیریسی اوغلان
بیریسی قیز
شالواریمی چیخاردیلار
شالوارلارینی
کؤینه‌ییمی
کؤینک‌لرینی
هر نه‌ییمی
هر نه‌لرینی
دونبالیب باخدیق اوچونون ده دوز ایچینه
چؤپ ده اوزاتدیق
قیز دئدی: آی قیز
25 ایل
35 ایل
نم نمنه 5 ایل
سونرا قارشیلاشساق
اونوداجاغیق
اونوتمایاجاغیق

بیز پارکدایق
هوپور گؤزلریمه آغ بیرچک بیر قیزجیغاز
...اوتانیریق
-بعضی شئیلر وار
اونودولمور بو حیاتدا-

آردي-Ardı

سیما نصیب پرست

...


داها گؤزوندن دوشموشودوم



"سنی سئویره م" سؤزجویو دیلیمدن دوشن زامان!!!



من گئج باشلادیم می؟



یوخساکی سن تئز قورتاردین؟
----------------------
...


وارلیغیم



باخیشلارینا ایلیشیب...



هارایا گئتسن



آرخانجا سورونمه لییه م!!!


-----------------------
سن دنیز...من ساحیل!
اوره یین

دنیز کیمی درین!

گؤزلرین

دوم-دورو ماویلیک داشییرلار!

اللرین

داشقین دالغالار کیمی آشیب داشیرلار!



سانکی تانری سنه باخیب دنیز یاراتمیش!

***

اللریم

دالغالار قوجاغیندا دینجه له ن قایالار!

اوره ییم

آیاق لار ایزینده ن اوسانمیش قوملار!



سانکی تانری منه باخیب ساحیل یاراتمیش!

***

بو آخشام

ایکی قورولوغا دوشموش بالیق

بیر نفسلیک دنیز حسرتینده جان وئریرلر...

آه

گؤزلریمین سن سیزلیینه فیکیرلشیره م!
---------------
به یاد نهضت آذربایجان و آنانکه ... رفتند!
آذر آیینین باشلانیشی و آذربایجانین 21 آذر نهضتینین ایل دؤنومونه یاخینلاشماق موناسیبتیله:



بو دوز کی یول یاخین دیر،



آمّا



آرامیزداکی حسرتلر سینیری



منی سن سیز



سنی ده من سیز ایسته ییر!



سولماز گوللریمیز سولماقدا



اوره کلریمیز سینماقدا



و اولدوزلاریمیز سؤنماقدادیر!



یاردیم ایله...!



آرامیزداکی سورگونلر آرازین



قوروتماق یوخ،



کی اوستونده ن بیر کورپی وورماق ایسته ییره م



باخیشلاریمیزی بیری بیرینه یئتیرمه ک اوچون



بیر بیریمیزین کولگه سینده دالدالانیب



عشقیلن بیر بیریمیزه قاریشماق اوچون...



من قاریشماق ایسته ییره م



اوره کلریمیزی بیرله شدیرمه ک ایسته ییره م



آمّا



قورخورام



بو قورخو تؤره دن یوللاردان...



یاردیم ایله



ساغالماز یارالاریمیزی توخداداق!



داها آیریلیق سانجیسینا دؤزوم یوخدور...



"سیما"
--------------
سئوگی یا نیفرت؟!!


یئنه داریخقان کؤنول یالنیزلیغا یئریکله ییر


بیر سئوگی دوغولماقدادیر می؟

یوخسا بیر نیفرت؟

-------------------
گئجه...





آی، ایشیغین قارانلیغیوا یاییر


اولدوزلار قاپ-قارا گؤیلریوه سه پیلیرلر

یئر-گؤی سنی ایشیقلاندیرماغا ته له سیر

آه... گئجه!

ساقین!

کیملیینی الیندن آلماسینلار !

--------------


بیر بالاجا چئویرمه ؛ "جفری دنیل"ین هایکولاریندان بیری!





بیر آجی یاغیش . . .



ایکی سوکوت بیر چتیر آلتیندا . . .

--------------
گؤزلرین...




گؤزلریم گؤزلرینه ساتاشان زامان



سانکی یئنی دن دوغولدوم!



او دور کی گؤزلرینی آنام قدر سئویره م...!
--------------
...
اؤزومدن اوزاقلاشیردیم

سنه یاخینلاشماق اوچون

نه بیله یدیم

سنه چاتان زامان قورتولاجایام . . .

گئجه سحره چاتان کیمی . . . !!!
---------------
سیما نصیب پرستسن دنیز...من ساحیل!
اوره یین

دنیز کیمی درین!

گؤزلرین

دوم-دورو ماویلیک داشییرلار!

اللرین

داشقین دالغالار کیمی آشیب داشیرلار!



سانکی تانری سنه باخیب دنیز یاراتمیش!

***

اللریم

دالغالار قوجاغیندا دینجه له ن قایالار!

اوره ییم

آیاق لار ایزینده ن اوسانمیش قوملار!



سانکی تانری منه باخیب ساحیل یاراتمیش!

***

بو آخشام

ایکی قورولوغا دوشموش بالیق

بیر نفسلیک دنیز حسرتینده جان وئریرلر...

آه

گؤزلریمین سن سیزلیینه فیکیرلشیره م!



-------------------
...


وارلیغیم



باخیشلارینا ایلیشیب...



هارایا گئتسن



آرخانجا سورونمه لییه م!!!


-----------------
...


داها گؤزوندن دوشموشودوم



"سنی سئویره م" سؤزجویو دیلیمدن دوشن زامان!!!



من گئج باشلادیم می؟



یوخساکی سن تئز قورتاردین؟


----------------
...


وارلیغیم



باخیشلارینا ایلیشیب...



هارایا گئتسن



آرخانجا سورونمه لییه م!!!
----------------

آردي-Ardı

شیدا نونهال - خزر

داش توفنگ ساواشلارينين

زيرناچي سييام ايندي،

گور هارالارا چكدين مني،،،

شهرين پارتلاق اوره يينه،

قارانليقين قوجاغيندا

سيخديردين مني ،اي ي ي

ايكي اوزلوم...

ياناقلارين قاداسي

سني اوپمه يه جه يم دا،

آياقلارلا سيغاللاتديرديغين

گوونجيم ايدي ،دادليم،

دووارلاريني قالديران دان بري،،،

تانري آختاريرام

ايچيمده

رومانتيك گوروشده

يئسير - يئسير.


------------------
آرزی


ایللر دی کی گولوش لری ،

باخیش_باخیش ،

سئوینج لری اوره ک _اوره ک ،

اوغرون_اوغرون،گوزیاشیلا،

یار هوسین دینله یه ره ک ،

قوزئیلره گونده ر میشم !

*قوجا فلک تانیر منی ،

چیله نمیشم گولوشونه ،

یاغیش کیمی

چیر پیلمیشام آیاغینا

توو _تله سیک ،

کولک کیمی !

سنسیز لییه سور گون دو شن ،

اوره ییمین باغلی الی،

دویون له ییر دیلک سازین ،

قیریق تئلین !

اوره ییمین سارا ییندا ،

ساچین هورور نفسلرین ،

عطرین دورور ،دورا جا قدیر ،

اوره ییمین سارا ییندا ،

چالاجاقدیر ائل عا شیغی ،

خان چوبا نی

اوینایا جا ق

یابا نجی لار آجیغینا ،

قاوال رقصین !

ان ابدی حسر تیمین ،

نه اول دو سون اونوت دئیه،

اوره ییم له ،

اوینا یاجاق

قو جاقلا شان آر زی لاریم!

--------------------
آتا






سیلدیریم باخيشلا، سوزلو باخيشلا

آيريلدي باغريمدان بولودا میندی

گورمه دي آردينجا آرزيلاريمي

بيلمه دي آغلايان گوزلر كيميندي



گورمه دي كونلومده سالديغي ايزي

سئوينجك- ترتميز اوتدو گوزومدن

چالخاندی حسرتین شوران دنیزی

آستاجا سوزولدو اوپدو اوزومده ن



ايسته ديم ياشايام اوره يينده هي...

هاوا تك يئر سالام تر نفسينده

قوشولوب چاغلایان سئوگینله، کاش! ای...

یوکسه له م گویلره، یاغلی سسینده





ندنسه گورمه ديم سني دوْيونجا!

ياغيشلي، چيچكلي، ياشيل ياز كيمي

قيزغين اوره ييمده سني دو‌ُيونجا

سوكورم گئجه ني، دان- آياز كيمي



ياغدي وارليغيما قارانليق ، آجي

سنلی گونلريمين تك ايزي قالدي

قوپاردي طوفانلار كوكلو آغاجي

دالينجا مه له ين بير قوزو قالدي



قيسقاندي گوزومه ملك لر سني

چيينلر اوستونده گئدن آنيندا

آرخانجا كوكره ييب بير سورونمه ديم

بنوشم ، يارپيزيم ، خزان چاغيندا



او گوندن بسله نيب بيرقالين قادا

كونلومون گوزونده ايت ديرسگي تك

سئويمليم، سئومیشم، سئويرم سني

اينسانين چاتيشماز، بیر ديلگي تك

---------------------
اينتيظار



"


حسرتین چکیره م، حسرتین هر آن
سانکی خوش یوخومدا، گورموشم اینان


............................................


دویموشام گلیشین، نازلی دلبرین!
آغ دوندا گورکمی، نور چیله ندیره
آچاراق سیرریلی، سینه دفترین
دویونه ن اوره ئی، پرپیله ندیره!


....................................


نرگیزلی قوخولو، گه ل آی بنوشه م
آیرلیق اودونا، یوخدو طاقتیم!
جننت ین لذذتین سنده بیلمیشم
باشقا باغ-چمنه یوخدو رغبتیم!


.....................................


هر جمعه نغمه میز قه هره دوندو
آناملا – آتامین، قنوتلاریندا
گون باتدی یئر اؤزو کد ره دوندو
باخیشلار آسیلدی بولوتلاریندا


................................


بو حسرت بو هجران گویو چالغالار
اينامسيزسئوگی لر،یاری کوسدوره ر
کوکسومده " خزه ر " تک چیرپیر دالغالار
یاری باریشدیرار، یاری کوسدوره ر ..


.................................................



حسرتین چکیره م، حسرتین هر آن *
سانکی خوش یوخومدا، گورموشم اینان *

دویموشام گلیشین، نازلی دلبرین *
آچاراق سیرریلی، سینه دفترین *
آچاراق سیرریلی، سینه دفترین *


............................................
----------------
داغلار،،،




سلام عزيز وحورمتلي دوسلاريم

گئجيكدييم اوچون عوذور ديله ييرم، بيلميرم ندنسه وبلاگ يازماقا داها ماراقلانميرام، آمما بعضي عزيز وسئويملي دوسلارين ايسته ديك لرينه گوزوم اوسته دئييب، ويئنيلشمه يه بير قديمي دوردلوك ايتحاف ائديرم بو شعري تام اوخوجولارينا،،،،،،،،،،،،،،، ديرلي باخيشلارينيزي گوزله ييرم يارديم ائدين...





سن گئدلي بوردان اوزاق ائللره

سوزلريمي من دئيه رم داغلارا

سئوگي غمين هر كيم دئسه آز دئيير

من قالارام داغلاريمي داغلارا



دوداغيملا پيچيلداشان آدين دير

چيلغينليغا سبب،شيرين داديندير

خاياليمدا تكجه سنين يادين دير

آپارمني سنلي ياشيل باغلارا



من دنيزلر ايتگيني، سن ماياق سان

عومور يولون گئتمه يه سن آياق سان

دوست ـ دوشمانلارايچره منه داياق سان

قالدير مني؛ سالما بو آلچاقلارا !



دويانماديم باخيشيني دويونجا

دايانمادين قنيم گوزون اويونجا

كيپريكيمي كيپريك اوسته قويونجا

قاييت گولوم قاييت بو يايلاقلارا



سسله نه رم داغلار داغلار آداغلار

قوچاقلاردان سوز آچارام ائل آغلار

كوكسوم يانار ،داغلار يارامي باغلار

قوربان اولوم عيصمتلي تورپاقلارا !



---------------------
((. . . سنـــــی ))






اینلــه یـه ن، اوزانـام تئللــی سـازیمسـان

سینه مده، دوز کیمی! یـالارام سنـــی!!

سوئیکه سن چاناغین كوئیره ک اوره گه

دوبيتي اوستونده ،چـالارام سنــی!!

.......................................................

قـارانليــق چـوکــوبـدور، آليـــن يازيمــا

پاييـزیــن دوشـوبـدور، ياشيـل يـازيمــا

گه ل باخما، سینه مده، چارپاز یازیما

قئیمیـــرام! قهـــــره، سـالارام سنــي!!

................................................

هـــر كيميـن دردینـی، اوز ائلـي بيله ر

دلــی نیـن دردینـی، تک دلـــی بیلــه ر

بیـــر دامـلا قـدرینــی، یارالــی بیله ر

تـامـارزي دوداغــا! جـالارام سنـــي!!

...................................................

هـارداسـان الینـه، الیـــم یئتیشمیــــر

آرزی حیات بویو، دولمور، بیتیشمیر

دئمه!: پاک سئوگینه، واریم چاتیشمیر

عـومـور بـاهـاسینـا، آلارام سنـــــی!!

.....................................................

سن منیم سوزوم سن، نغمه م آوازیم

ائلیمسـن، دیلیـم سـن، گــرایلی یازیم

"خزره" م، آی تئللی، صدفلی سازیم!!

هؤوروک،تــک! بوینوما، دوولارام سنی!!

....................................................
----------------------
آذربايجانسيز




﷼

فلکیــن چـرخـــی آمـان، گـؤرنـه آمانسیـز دولانیــر!

سـورونـور ثانییه لــر، ایل بـویـو سانسیـز دولانیــر!

مجنون عاشیـق لیک ئیلــن گـؤرنـه گـزیـر چول باییری

لیلــی ـ لیلــی دئیه رک، وصلـه گومانسیز دولانیـر!

کعبـه لـــردن داها! یارب سســی گلمیــــر قولاغا

بیلمیــرم سئوگـی نیه !؟ ایندی ایمانسیـز دولانیـر!

قورددومانلیق سئوه ر اینسان اتینی دادماق اوچون

داهـایوخ! قـورخوسـو، قوردلاردا دومـانسیـزدولانیـر!

کیمســه یـوخـدور قـوزونـو دؤنـده ره اؤز یـایـلاقینـا

ســورویالچیــن قایادا، گــؤرنه چوبانسیز دولانیـــر!

آذري اولكــه سينين، هــر سويونون،اوز طامــي وار

باغليدير "جان"لار اونا، ســن دئمه! جانسيزدولانير!

آرازیــم؛ آخ آرازیــم! کـــْرلا قونوش، دول "خـــزر ه"

بيــزه نه!؟باشقا ائليـن، آرخــي نشانسيز دولانير!

---------------------
شكيل






بیر پاییزگئجه سی...

یارپاقلار ،

اوپوشورلر

ومن...

سئوینمه سین آیریلیق


الیمده کی شکیلینی

اوپمو رم.

-------------------
نيسگيللي دويون







تمیز دویغولو گئجه


اولدوز بایراغی ساچیلیب

دوغولمادادیر بیر سنلی توی قایغی سی

گوزلریم ایشیقلار اویناغی

سئوینج اوجاغی . . .

دیلیم شور ماهنیلی

و سن . . .

بیلمه دن آلینیرام ! ! !

اوره ییم اسیر،

آغیر بیر حیس ایچینه چکیر

منی،

خینوو لی ایت دیرسه گی موچورلانیر

اوره ییمین گوزونده!!

اوزاقلاردان روح کوئیره لده ن اوزان سسی،

دیلغمی، یانیق کرمی، اینجه گولو،

یالنیز آغیر هاوالار،

یاخینلاشدیم سنه

وقاداقلاندیم،

حیــــران . . . !! حیــــــران. . .!!

توی گئییمینده یوخ!

ملک اوخشارلی؛ آغ یاراشیقدا تاپدیم سنی!

سس سیزـ سمیر سیز

خزان چاغیندا سنلییم باهاریم،

دونموش نفسین ایسیندیرمه دی هئچ.

سئوینج . . .

دویونتولریمین سمفونی سین دونده ریب!

آغی مارشی سینی باشلادی.

سویودو او قیزغینلیق !!!

دولدو . . . و . . . اولدو . . .

گوزوم سنسیزلیک چاناغی،

و . . . .

ابدی نیسگیل بولاغی

دیلیم ایسه سارا ماهنیلی

و

سن. . .

-----------------------
قالارگي حسرت






سیغینار بنوشم، چوله ـ چمنه !

هارداسان دایاغیم؟ دایانام،یئنه!

ایللردی ایچیمدن سوروشورام هئی...

ابدی حسرتیم نه اولدو سنه؟



کونلومون پرده سی سنسیز داریخیر!

کوچه لر ماهنیسی ، ایچیمده آخیر!

گوزوم دویغولارین اله ییب،باخیر،

توکنمز محنتیم، نه اولدوسنه؟



ایزله اوره ییمی، ایلدیریم چاخیر

سونسوز آرزیلاریم کوکسومو یاخیر

سن منه بیر پای سان، بیر آتیم چاخیر

قوجالماز نییتیم،نه اولدو سنه؟



آجیلار ایچیمی ائشه، یئری وار

حسرتین باغریمی دئشه، یئری وار

گلیشین کولگه سی دوشه، یئری وار

شربتیم، صحبتیم،نه اولدو سنه؟



بير اوزان کیمی یم، سازا باغليام

شاه پرده لي او شاهنازا باغليام

ماوي خزر، کور آرازا باغلييام

سه گاهيم، باياتيم نه اولدو سنه؟

--------------------
وارليغيم






شکیلینه

دولدوغوم آن،

اوزومه چوکورم

اوزومدن!

ایچیمده دوغولورسان

یالنیزلیق دویغوسون

دویدوغوم آن،

ائشیدیرم

سنی......

ودویورام

سسینی.......

آل سسین ،

نه دئمک ؟

آغی

یاغدیریر

باغریما

و قار

چیله ندیریر

یارپیز قوخولو

وارلیغیما،،،

ایندی ایسه

تامسینیرام،،،

. . .

ان آجی بیر داد،،،

. . .

سنسیزلییی،

سوُسوُر

گوزلو باخیشلاریم

سوُسوُر؛؛

و ان ذیروه لردن

حزین سسین پیچیلداییر

سوس، خزریم،

سوس،،،،،،،،،

----------------
سئوگی،،،




گوزلریم تیکیلیب چنلی یوللارا

کونلومدن یار غمین آتا بیلمیرم،

یاخیندا بیر ایستک بیر آتدیم آرا

نه قده ر قاچیرام چاتا بیلمیرم،



سئوگیلیم دردینه دایانماق چتین،

خاطیرن ایچیمده قان کیمی آخیر

گوزومون بولودوگورنئجه چیسکین !

آرخانجا اله ییر، آرخانجا باخیر



خایاللار گویونده سنله اوچایدیم

سورغولار،سورغولار،یئنه سورغولار

سوراردیم، سئوگینی تانیماسایدیم!

آیریلیقدان آسان حایاتدا نه وار؟



بیلیرم کی بیر گون ندنسه، هاردا

حسرتین گوده می اوتوب، ازجک!

بیلیرم دونیانی من دولانسامدا

گوزلریم هر یاندا سنی گزجک!





آیریلان گونونو یادا سالیرام،

آجیلار بویلانیر آندیریر منی

یئنه آیریلمامیش سنه دالیرام!

سنسیزلیک آلو تک یاندیریر منی.
-----------------
آغرین آلیم












سارماشیق گوللری تک، گه ل ساریشاق، آغرین آلیم



باشقا بیتگی اوره ییم ایچره آلاق، آغرین آلیم



گه ل کؤک ائیله سازیمین تئللرینی دیلغمی یه



نییه بو چال چاغیریم اولدو یاساق؟ آغرین آلیم



امی رم من آجی دردی سود امرلر سایاغی،



آتما ایلهام پریمه سن بادالاق، آغرین آلیم



سوپورور یوللارینی هر گئجه یاتماز خایالیم،



یاردیم اول هیجرانی بیچ، الده اوراق، آغرین آلیم



آی گونش بویلو! خایالیمدا یاتیب، مورگوله ین



دالغینام، بیر باخیم اول گوزده قوناق،آغرین آلیم



جومورام گنج لییمه مین کره سنلن قووشام



قوجالیق ،منله اولور باغری باداق، آغرین آلیم



سنلی اوکیاندا سینار یئلکنی چوخ لوتگه لرین



لئمانیمدان آسیرام، ایزله مایاق، آغرین آلیم



هر دنیز تک خزرین سینه سی اوسته گمی لر




دولو سئوگی داشییار،فیت چالاراق، آغرین آلیم







تشککوروممنونیت له

خزر

-------------------------
مظلوم خالقلارا اتحاف





مظلوم خالقلارا اتحاف


هرگئجه نین آرخاسیندا سحروار

هرسحرین وارلیغیندا خبر وار

هرخبرده قایغیمیز بیر طهر وار

بونه دویغو، بونه قایغی ،نه حالدیر

بونه هایدیر،بونه هارای، نه قالدیر



اودوملو یول دادلیم یولداشسیز اولماز

ائو دیله مک قارداش ساواشسیز اولماز

قودوز قوغماق اتکی داشسیز اولماز

هانسی ائلده بئلنچی چالهاچالدیر ؟

بونه هایدیر بونه هارای نه قالدیر



اومید وارسا ظالیم یئنر گورشسیز

نه آنلامی وار گوندوزون گونشسیز

دنیز گرک چورسوز ،چوپسوز ،کولشسیز

کیم می دئدی سیزین ائله کی لالدیر

بونه هایدیر، بونه هارای نه قالدیر



سنین یئرین ذیروه لر دیر قارتالیم

اوچ گویله ره یوکسل آی آغرین آلیم

گویلو گونون خوشدور شیرینیم بالیم

بوگون دیلک بیر گوی دولو قارتالدیر

بونه هایدیر، بونه هارای ، نه قالدیر



سوس خزریم قوی سوووشسون بو قادا

نه ائلی وار نه آدی وار آرادا

اومحکومدور هله بوگون مین آدا

ابدی لیک بوسوسقونلوق ماحالدیر

بونه هایدیر ،بونه هارای ،نه قالدیر .

-------------------------
کوچه نیز دن اؤتورم





کوچه نیز دن اؤتورم یار، یئنه منسیز دن اوتور


آمما بیر قوشدا گلیب،اؤتمه دی سنسیز دن اوتور

قاپانیر ساگوزومون چکدیگی یول لار، باخیرام

گزیرم هر یانی دیل ـ دیل هله هنسیز دن اوتور

ده یریم وار سا قبول ائت سیغینیم قوینونا یار

سن کیمی بیر وطن اولماز بو وطنسیز دن اوتور

درده باخ، نیسگیله باخ، ائللر او چون اولدوم ده

بیر جه گوز دولمادی یاشلابو کفنسیز دن اوتور

قوی بو یاز -یای سنه قالسین قیشیمی وئر گئدیرم

بیر اووج بوغدادا آخ، یوخدو بو دنسیز دن اوتور

آردي-Ardı

سيما ديدار

سایین سیما دیدار (شاعیر-یازیچی و ژورنالیست) یاشماق ادبی- بدیعی (آذربایجان یئنی ادبیات درگیسی)نین سوروملو مودیری و گونئی آذربایجاندا یئنی ادبیاتین و ژورنالیزمین اؤنجوللریندن بیری کیمی ایللر بویو چالیشمیش و ایندی ایسه بؤیوک میللتیمیزه زیندان بورجونو اؤده مکده دیر...

بلکه ده بو بورج بوتون تورک اوغوللارینین اؤده یه جه یی گؤره ودیر. الیمیزدن نه گلیر کی؟ زیندان جانیوا یاراسین باجیم...
------------------------

سئوگیلیمه آذرین یئددی سی سئوگی گونوموزده سوندوغوم شعیر

ایلک باهارلاشمیشدی شهر سون باهار چاغیندا
سولموش یارپاقلار بئله یاشیللانماق ایستیردی
بیر سئوگی دوغولماقدایدی آخی
پارکین چیراقلارینین ایشیغیندا
سن له من
اوتورموش بیر نیمکت اوستونده
تانرینین نفسلرینین سسی گلیردی
ایکی داملا گؤز یاشیلا باشلادی
سونرا دا بیر گولومسمه
یئر ده باغیردی گؤی ده تانری دا
سنی سئویرم سسی گلدی بوتون دونیادان
سانکی یئنی دن دوغولدوق هر بیریمیز
باشدان باشلانماقدایدی دونیا
بیر سئوگی دوغولموشدو آخی
دونیادا بیزیم ایچین بیر اومود
سئوگیمیزه
تانری شاهیدلیک ائتدی
تاپیشیر منه دئدی
آما من
او قدر قیسقانیرام کی
سنی
تانریا بئله
تاپیشیرمادیم !

سيما ديدار
سه شنبه ۱۰ آذر ۱۳۸۸

----------------
من هله اؤلمه میشم...
سیما دیدار





منه نه اولموش

ثانیه- ثانیه قادینلاشیرام

زامان آیاقلاریمین آلتیندا یئنیلرک

دئیه سن اؤلمه میشم

اورگیم ترپه نیر هله

ثانیه لر ده دایانسا

من دایانمارام

اؤلدوره بیلمه دین منی

من هله وارام ...

محکوم

سنی سئومک اولارمی؟
سنین هوسینین محکمه سینده چکیلدی
معصومیتیم دار آغاجینا.
کلفچه لی اللریمله
سنینله دانس ائتمک اولارمی؟
سندن واز کئچمک ده اولماز!
منیم آنا یاسامدا
سنی سئومه مک
یاساقدیر !

آردي-Ardı

اولكه ر اوجقار- منيره اكبرپوران

خیضر

تبريزين کوچه لريني گؤرسيدين

منه داريخما دئمزدين

دايان دئمزدين.

سحرلر

قيرخ ايل اولار قيرخ گون سحر،

قاپيني سوپورور قونشونون قيزي

سحرلر ائله " گل آپار قورتاردي" چيغيرير تاباقچيلار

ال گيرير اوره یيمه!

يئر اوزوندن اوزوله سي هر نه وار دئيه سن!

آخشاملار خط ماشينلاريندا قاريلار آداقلييام دئينده اينانمير.

آخشاملار خط ماشينلاريندا

بويلو قادينلارا يئر وئرمگيم گلمير.

" نئچه اوشاغین وار؟"

خط ماشينلاريندا آخشاملار.

گئجه لر سه آياق سسي گلنده سوستالير آياغيم.

آچار يئريندن گؤرونن ايکي کؤلگه بيرلشير،آيريلير

بيرلشير،آيريلير

بيرلشير...

يوخويا قالسا قونشونون قيزي

بو صاباح دا خیضري گؤرمه یه جک!

---------------------------
Buğdalar
Əkinçini buğdalar ayaqqablarından tanıyar
Çömbələndə alaqlasın otları,
buğdalar kimi təkcə kürklü börkü görünər.
Bəlkədə çiyninə yetişsin deyə
Buğdalar bir ildə bir belə boy atar
Bir belə böyüyər!
Əkinçini buğdalar
ayaqqablarının dalısını yatıtsa da tanıyar
əkinçini buğdalar
ayaqqablarını çamura- palçığa bulasa da tanıyar...

Biçinçini...
Biçinçini...
hadı buğdalar təkcə ayaqqablarını görər
Buğdalar təkcə ayaqqabların tanıyar!
-----------------------------
او آرادا بیر گؤز­للشمیشدیم








او آرادا بیر گؤز­للشمیشدیم

آنام یانینا سالیب، توی‌لارا آپاریردی

اؤیونه-اؤیونه قاپی‌لاردان کئچیردیک، ایکی محتشم قادین!

آنام ساری بیر قیز ایمیش

ساری سوسار دئیردی قونشولاری

دانلایاردی آجیقلاناندا ننه‌م: "جمالی دا یوخدو

آللاهدان اؤتور ائوی ییخیلمیشین باری"

قالدی قالدی اوتوز یاشیندا بیردن گؤز­للشدی

توی گئجه‌سی آتامین اوره‌­ییندن کئچنده غریب گؤزل قیز!

گئت-گئده گؤز­للشدی

ساچ‌لارینا دن دوشدو ده گؤزللشدی

قیپ-قیرمیزی خینا قویدو ساچ‌لارینا گؤزللشدی

گؤزللشدی

گؤزللشدی

...

من ده او آرالاردا بیر گؤزللشمیشدیم

ایندیسه ساری بیر قیزام!


87
----------------------------
سئو منی

سئو منی بو گئجه،بیر تک بو گئجه

سئو! سنی تانریمیز سئو منی یئنه!

قوی بیر ده گؤزلریم اوخوسون سنی

قوی بیرده قوللاریم سارماشسین سنه






ایندی چیچکله‌نیر گئجیکن یازلار

بیلدیرین قاری‌دیر بو گئجه یاغیر

قولاق وئر بیزیمدیر بو قارا شنلیک

آلان‌لاردا یاس‌دیر داغدا چال- چاغیر






تانری ایستمه دی قضا قویمادی

سئو، سئوک قوی گؤرسون قیسیر اولدوزلار

سئو قوی سنین اولسون منیم سون سوچوم

قورتولار بو گئجه آرزیمیز قالار






گئجیکیب گونوموز،گئجیکیب سؤزوم

من گوزون اییینی گئج آنلامیشام

قوی منی قوللارین توتوب ساخلاسین

بو گئجه یارپاغام،یئلم،یاغیشام






قوی ایستی اللرین اریتسین منی

اولوکی آلیشیب یاندی جانیمیز

یا دلی دومرولـله سئوگیلیسی تک

تانرینی قایتاردیق بو حؤکموندن بیز






قوی منی اللرین توخوسون سنه

سئو منی! دونیانین سون گئجه‌سی‌دیر.

سئو منی بو صاباح یئر قوووشاجاق

بو یئللر یئر- گؤیون سون نفسی‌دیر

86/7/14
----------------------
سردابامیز!





یئرین اوزونده نه‌لر اوْلورسا

تانری گؤره‌جک

اؤزوده گؤرمه‌سه بیردن،

اوْبئله ملکدن بیری گؤروب،

گئدیب دئیه جک...



ننه‌مین ساندیغیندان اوْغورلادیغیم لاواشالاری

سردابامیزدا گه‌میره‌ردیم من

بیر توْراتان‌لار بیلردیلر

بیر ده نئجه بیر اوْلسایدی ننه‌م



دونیانین دیل ـ دوداق قاماشدیران دادینی

آی اوغلان،

یاخشی بیلیرم!

حئییف کی آتام وئردی دولدوردولار سردابامیزی!

87.12
--------------------------
تتیک
‌

دالی سالیرام هرنه‌یی

دالی سالیرام

تتییه اؤیرنیب یوخسا بارماغیم

قوی سنه بو قویودان بیر ده سو چکیم
کندیرسیز

وئدره‌سیز
سوسوز

قویوسوز!
--------------------------
قوزوم


قوربانلیغا سئچیله جک قویون

گئجه سی،

پیچاق گؤرر یوخودا


سن سه

گؤزلرینی آرخایینجا یوم

یوم یات قوزوم

آداملار نه سه گؤرمزلر!


88/6/26
------------------------------
یولداشی...



آغزیمداکی بلله نی اودمادان ایکینجیسنی توتاردی آنام:

" تئز یئ یولداشینین یانینا گئت سین! "

2-3 یاشیمدا قویروقسوز بیر بالیق چکیردیم

تئز ال یئتیردی یانیندا بیر گؤزلین چکدی

چؤهرایی بیر گول ده تاخدی تئلللرینه:

"بو یانیندا اوزن ده یولداشی!"

همن ده ائولر، آغاجلار

همن ده شهر

بو اؤزو، بو چؤهرایی دون دا یانیندا یولداشی

بو اؤزو، بو چؤهرایی پاپیون دا یانیندا یولداشی

همن ده بو سن:

بو سئودیییم اوغلان

بو چؤهرایی پالتو گئیه ن

یانیندا یولداشی!

87.12.3
----------------------------
و "بی ریا" هله ده...



"ائله چیرپیلیر اوره ییم ائله چیرپیلیر...

گؤزلریم گؤزلرینه ساتاشاندا..." دئییرسن،
پارپار پاریلداییر ببکلرین

سانکی بو کلمه لری سن یاراتمیشسان

سانکی کؤکسونون

_او سئوینجک کؤکسونون_
یئرینی ایندی تاپمیشسان.

صلیبی ساواشلاردان اؤیونه- اؤیونه


یوردونا دؤنن قارامان اییید!


" ائله چیرپیلیر دئییرسن، الین اوره یینین باشیندا

آل بایراغینی قالدیران اییید!


من ایسه،


کؤکسومده

عیدده لری چیخمایان قیزلار


جاهاز بوخچالاریندان

قارا دونلارینی

چیخاردیب الده قویورلار.

و "بی ریا " هله ده،

او آدسیز قبیرلرین باشیندا
قران اوخویور.
-------------------------

آردي-Ardı

زیبا کرباسی

اوچ شعر

زیبا کرباسی بو حساس روحو ایله آناسینین اوخودوغو هر تبریز ماهنی سی، بایاتیسی و گؤزللَه مه سینی شعرینین درین قاتلارینا ائندیریر. دیلیمیزده اثرلر یازماغی دوشونور. یاخین گله جکده اوندان ائله بو سایتدا آنا دیلیمیزده شعرلر نمونه سی یایاجاغیق.

آردي-Ardı

آزاده دارائي زنگانلی

آزربايجان´ين اوره يي «زنگان»ا ايتحاف

آنا يوردو وطنيم زنگانيما قوربان اولوم
آنا يوردو وطنيم زنگانيما قوربان اولوم
شهريمين او ياراشيقلي آدينا قوربان اولوم
دولانيم دؤوره سينه، باغينا دروازه سينه
آغ چيچكلر آچيلاندا يازينا قوربان اولوم
او گؤزه ل منظره سي، بئهيشته بنزه ر هاواسي
او سرين درديمه درمان سويونا قوربان اولوم
يئل اسه نده اوجا بوي آغاجلارين اويناماغي
آغ بولودلاردان اوچان دورناسينا قوربان اولوم
گون چيخاندا او طراوتلي آغاجلار باشينا
گون آشاندان سورا گؤيچه ك آيينا قوربان اولوم

********

گؤره ن آللاه! وطنيمده كيم اؤلوب كيمسه قالوب
نوجاوانليق زامانين تاي توشونا قوربان اولوم
فيكري رٶوشن اولانا، شئعر-و ادب آنلييانا
بير به بير عئلم-و هونرپرورينه قوربان اولوم
بي ريا مؤمونونه، ساده موسلمانلارينا
اوره يي پاك اولانين ايخلاصينا قوربان اولوم
قوربت اورگه تدي منه هموطنين ارزيشيني
پيسينه، ياخچيسينا، هاميسينا قوربان اولوم
هر نه ايمانلي شرفلي موتعههيدلرينه
بير به بير تر تؤكه ن اينسانلارينا قوربان اولوم

*******

نئجه لذذتلي زامانلار، نه شيرين خاطيره لر
اؤلكه مين صولح-و صفا اييامينا قوربان اولوم
دانيشاندا او شيرين توركو گؤزه ل لهجه سينه
ائليمين سئويملي گؤيچه ك ديلينه قوربان اولوم
نه قده ر وصف ائيله سم زنگانيمي آز ديميشه م
او صفالي يارادان آللاهينا قوربان اولوم
فاصيله محو ائده بيلمه ز بو گؤزه ل مٶوهيبتي
جان كيميندير، من او جان پاره سينه قوربان اولوم
سن ده «آزاده» لال اول چون وطني ترك ائيله دين
سورادان داش آتيران توپوقينا، قوربان اولوم

آزاده دارايی زنگانلی (لس آنجلس-آمريكا)

تاپماجا

دئسه م بير تاپماجا راحت تاپارسان
اونون معناسينا حئيران قالارسان
نه ديلدير بو كي چوخ شيرين صدادير
اونا لهجه خطاب ائتمك خطادير
غني سطحينده فرهنگي قورولموش
اونون ديل قايداسي تكميل اولونموش
درين معنالي مينلرجه لوغت وار
هر ايسمه چوخ آچيق اوزلو صيفت وار
حوروفون، كلمه نين مئيداني چوخدور
چتين، بي قاعيده بير فئعلي يوخدور
ده ييل افعالي ناقيص داردا قالسين
كي تا فئعل-ي موعين فريادا چاتسين
زامان افعالينين چوخدور مسيري
باخارسان آيري ديلده يوخ نظيري
غريب ديلده اونو قانديرماق اولماز
بئله بير مطلبي آنديرماق اولماز
بو ديلده چوخلو شاعيرلر يارانميش
توكه نمه ز ماهنيلار ديلده قالانميش
بيليبسه ن، "آذري"دير، چوخ شيريندير
شيرينليكدن دييه رسه ن بال كيميندير
اينانميرسان، دانيش تا ايسته ديكجه
بو ديلدن دويماق اولماز سٶز دئديكجه
ديييبلر بير مثل فارسي شكردير
و آمما توركو`نو بيلمك هونردير

ائللر ديلي

آزربايجان يوردو

فخريله وطن توپراغينا جان ديييره م
آزربايجان يوردونا قوربان ديييره م

داغ داشلارينين رنگي بوتون مرجانا بنزه ر
قوشلار قاناتي سانكي حنابندانا بنزه ر
چايلاردا سولار دوپدورودور آينايا بنزه ر
داغدي دره دي چٶلدو، گولوستان ديييره م من
آزربايجان يوردونا قوربان ديييره م من

داغلاردا طبيعت ائله بيل خالچا سريبدير
چٶللرده ايپكدن هٶروله ن لاله اكيبدير
ائلده اوبادا سوتلو قويونلار بئجه ريبدير
يايلاغي سرين درديمه درمان ديييره م من
آزربايجان يوردونا قوربان ديييره م من

موسيقيسينين سازلاري تك ساز اولابيلمه ز
بير پارچا چيچكدير، يازي تك ياز اولا بيلمه ز
اول سورمه لي قيزلار گٶزو تك ناز اولابيلمه ز
ناز قيزلارينا سرو-ي خورامان ديييره م من
آزربايجان يوردونا قوربان ديييره م من

دوغموش آنالار اٶلكه ده مردانه اوغوللار
قودرتلي بيله ك، انلي كوره ك، قووه لي قوللار
ديللرده ديييلميش نبي تك بيرجه ناغيللار
اوغلانلارينا اوره كلي آسلان ديييره م من
آزربايجان يوردونا قوربان ديييره م من

آردي-Ardı

مهسا مهدي زاده يوشانلويي

ائعتيراف

سونورام سنه، يوخ! سونورام سنسيزليييه
سانما يالواريرام سنه، من يالنيز آياقلارينا دوشمك ايسته ييره م
سانما يالواريرام سنه، يالنيز اللرينده اٶلمك ايسته ييره م
هئي سانما يالواريرام سنه، تكجه گٶزلرينه باخماق ايسته ييره م
اينانجين وارسا منه، اينان، يالوارميرام سنه، اٶزوم اٶز طالئعيمي ياخماق ايسته ييره م
ازلدن قارا گئييب گٶزلريم سئوگييه، ياسلي حياتيما قارا بير قييامت گٶزله ييره م
دوداقلاريمدا ماهنيلار سنه تاپينيب و كٶكسومده داغلار سنه سجده قيلير
هئي قارشيمدا دوران دلي اٶزله م! من سنله باش باشا چالماق ايسته ييره م
من دوشلريمده دوغولوب، گئرچكلرده بوغولان خاطيره لرين ان حزين سسييه م
من ياغمور گٶرمه يه ن كوچه لرده بولبوللر قفسييه م
من آناسيز قيزلارين "قيزيم لاي لاي" هوسييه م
اينانجين وارسا منه، آند ايچيره م، گٶزلريندن آخان داملالارين كئفليسييه م
سانما يالواريرام سنه، يالنيز سنه دٶنمك ايسته ييره م
سانما يالواريرام سنه، بير تك سنده اٶلمك ايسته ييره م
سانما يالواريرام سنه .....

آردي-Ardı

نرگس اعظميان

داها باشقاسينا دايانامام
هر گون يئني بير باشقا
آمما اسكيليييني
او قده ر سئوديم كي يئنيلر،
قارشيسيندا اوچوروم تك اريرلر
.....

آردي-Ardı

فاطمه مير حسن پور واحدي

منيم هاييمدان هايا گله ن كيمدير؟
بيري دئدي، بيري ائشيتدي
سوسوق قالديم
سسسيز ده اومود اولار مي؟
هاي هاي
منيم هاييمدان هايا گله ن كيمدير؟

ساچلاريمي قيسسالتديم
گٶزلريمين قاراسيني يودوم
بيرچه كلريمي آغارتديم
آمما سن؟
هاي سوسوق باخان!
هاييمدان هايا گله ن كيمدير؟ كيم؟

آردي-Ardı

رباب سلطاني

اوخول ايكينجي صينيف اٶيره نجيسي (دانش آموز دوم دبيرستان)

آنا

لايلايلارين بولاغي
اولار آنا دوداغي
محببتين اوجاغي
اولار آنا قوجاغي

هر دردلرين داواسي
اولار آنا دوعاسي
بو دونيانين صفاسي
اولار آنا وفاسي

ائل

هر اينسانا شيريندير ديياري
ائلين اوجالماغييلا ووقاري
من ده سئويره م بو ائليمي چوخ
گٶز آچديم دونيايا بو ائلده
ديل آچديم اوول بو توركو ديلده
توركو دانيشيب سٶيله ميشه م من
توركو ديليني چوخ سئوميشه م من

آردي-Ardı

شبنم باقرزاده

رٶيا

رؤيامدا گؤردويوم
قارا حيجاب­لي چيركين قادين
تانري­نين وئردييي هئچ نه­يه
لاييق دئييل­سه ن دئدي
ائله او آن آييلديم
و دوشوندوم سحره قده­ر

هئچ نه­يه لاييق دئييل­ميشه م
حقيقتن ده
آناما
سئوگي­لي­مه
دوستلاريما
قزئتيمده چاليشان اينسانلارا
مني سئوه ن اينسانلارين
هئچ بيرينه
هئچ بيرينه لاييق دئييله م

تانري­دان مي گئلدي
بو مئساژ رؤيادا بيلمه م

كيمسه منه اؤيره تمه­دي
ياخشي اينسان اولماغي
هامي ساده­جه سئودي مني
سئودي­لر سئوگي­لرينه لاييق اولمايان بيريسي­ني
من هئچ تانريمي بئله سئوه بيلمه­ديم

آردي-Ardı

شلاله جوانشیر

Şəlalə Cavanşir

olumsuz_heyat18@yaoo.com

آرزی

سؤیله میشدین
شَهَه ریمیزه قار یاغان زامان
بیر قوجاق سئوگیله گله جکسه ن
شئیطانلارلا دؤیوشوب
قارانلیق شَهَه ری ایشیقلاندیراجاقسان
گلمه دین
شَهَه ر ایشیقلانمادی
شئیطان اوزلو اینسانلار
گولدو بیزه
و هر گئجه، دهشتلی
گولوشلرین سسی دویولدو
گلمه دین
سارماشدی ساچلاریم
سن گئده ن یولا

Bir neçə şeir

1.

Bu gün ağladı bu əski şəhər
Bütün sevgi dolu küçələri ıslandı
Mənim də gözlərim ağladı
Mən də acı göz yaşlarımla ıslatdım
Ürəyimin sənsiz küçələrini...

2.

Bizim şəhərdə sevinc də hüzün də bərabər yaşayır
Həm mutsuzluq tikanı bitir həm ümüd çiçəkləri
Amma bizim şəhər ağlayır
Hər damla göz yaşında bir hüzün var
Bizim şəhərin içində yanqın var
Özləm var
Özgürlük özləmi

-------------------------------
Gecənin qaranlığından sonra
Günəşli dünya güldü bizə
Yaşadıq bu günəşli dünyada
Dünyanı unutduq
Unutduq hər sabah
Ağacların yorğun baxışlarından
Tökülən yarpaqları
Və dünyaya göz açan körpə uşaqları
Sonuncu şam kimi sönən insanları.
--------------------------------

Mən də böyüyəcəyəm
Bu torpaqlı küçələrdə
Işıqlı arzularla
Qanad qanad mavı dalğayla
Üzəcəyəm bu geniş dənizdə
Bir bulut kimi ürəyi tutulan
Anaları görəcəyəm
Onlar bütün insanların gözləriylə ağlayırlar
Deyirəm bu gözyaşlarla bir dəniz yaranar
Və bu dəniz bizim olacaq əlbətdə.

1
Mən uzaqda - sən uzaqda
bizi bizə - ürəyimizi ürəyimizə çatdıran
beş sətirlik bir məktub
ünvanı - sonsuz sevgilər
beş sətirlik məktub ürəyimdən axıb gəlir
vülkanlar kimi coşur
sonuncu sətirdə - sonuncu sözdə
Səni düşünürəm
röyalarımda əllərin əlimdə içimdə bir dəniz
dəniz axır ürəyimdən
sən son gəminin içində

2
Burda səslər kəsilir
Gözlər oyulur
Dodaqlar tikilir
Həsrət yağış kimi Gözlərdən axır
Ürəklər Buludlar kimi Tutulur
Səsimiz divarlar arasında həbs olur
Bu sınıq Ürəyi Göylərə tutmaq istəyirik
Bu ürək böyükdür - Göylərə sığmaz
Həsrətimiz
Özümüzə
Ürəyimiz
Özgəyə
Bilmirəm Bəlkə Bu Günlərin sonu var
Bəlkə Bu yağışın sonu var

3
Pəncərədən həyətə baxıram
Həyətdəki ağaclar Gözə qoca görünürlər
Tək - tək Qopub Düşən yarpaqlar
Bir xatirədir sevgidir
Bir yalqız İnsanın həsrətidir
Bir Millətin yarpaqlar kimi ayaqlar altında qalan səsidir

4
Yenə sahil üzünə dönüb
Baxıram uçan quşlara
Dənizin nəfəsi məni əfsunlayıb səbrimi kəsir
quşlar uçurlar uzaqlara
Ağaclar baxırlar hey o yollara
Ancaq dil açıb danışa bilməyirlər
Baxırlar mənim kimi onlar dənizə
Dəniz ləpələri hədiyə verir bizə

5
Bizim şəhərə bir dəstə duman qonaq gəlmək istəyir
Bilirəm qar yağacaq Yurduma qış hakim olacaq
Uca dağların başını yas duman alacaq
Ama
Unutma
Qış hakim olan yurduma
Sım Sıcaq
Günəş hakim olacaq

6
Yenə sərin yağmur yağır
mənim saçlarımı ısladacaq
sənin mehriban əllərin
saçlarıma düyünlənəcək

Bilirəm bir daha gələcəksən
əllərinin varlığını his edəcəyəm

Ey mənim anlarımın uzaqlığı
seni hansı yalqızlıq anlarımdan tapıb
yaşıl gözlərini
zamanın uzaqlıq tozundan qoruya bilim

Mənim uzaqlıq anlarım
zamanın keçən şehli opuşləriylə dolur
mən hələ də ərğivan sarmaşıqların yanında
səni gözləyirem

7
Yel haray salır
titrəyir budaqlar
əsir yarpaqlar
ağaclar baş əyib öpür bir birin
böyük məhəbəti bölüsür onlar

Uzaqdan gələn saqqız satan bir uşaq
əlinde saqqız dilinde yalvarış
gəlib dincəlir ağacların altında
hər şeydən xəbərsiz
muqədəs sevginin göydən yerə enməsin
bilməyir
Ayaqları başmaqdan göy üzündəki günəşə baxır
Günəş qan dənizin içində
dağlar dalında gizlənmək istəyir

1
Yazan : Cudit Niklez
Çevirmə : Şəlalə Cəvanşir

Adını Mənə Ver
Onu Meşələrdə Oxuyum
Onu torpaqlar Üstünə Yazım
Ildırımlarla Çığırım
Və
Yel ilə Nəfəs Çəkim
Adını Dağlara Çığıraram
Qoy Yağışla Tikrar Olsun
Adını
Dənizin Ürəyine
Yazacağam

آردي-Ardı

آلما موغانلي

سن گونش، من آی

سن گونش، من آی
هردن يارييام، هردن ياريدان دا آز
آنجاق سن بوتؤولوكده ياشاييرسان
سن
و يالنيز، سن
گؤيه و يئره نور سپه­لنديريرسن و گوندوزو دوغورسان.
من قارانليق گئجه­نين آز ايشيغين دا سندن آليرام
آمما
من آذربايجان بايراغينين اوستونده اولدوزلا ياشاييرام
و سن
ماوی گؤی­لرده ساپ-ساری قورويوبسان

آی اولدوز

آی، اولدوزلارين اته­يينده اوتورموشدو
يئره باخيب حسرتله دئدی :
كاش اوردا اولايديم

بير قهرمان كيشي دوستاغدا
بير كيچيك آتوشكه­نين آراسيندان گؤيه باخيب دئدی:
كاش اوردا اولايديم

آيي يئره يئتيرديلر
هچ كيمسه اونو باغرينا باسمادی
قاييتماق ايسته­دی

قهرماني دارنان گؤيه اوجالتديلار
آمما... او قاييتماق ايسته­مه­دی

بوش كوچه­لری يالنيز آدديمليرام

بوش كوچه­لری يالنيز آدديمليرام.
قوخوسوز گول­لری آياقلايير، كئچير
كؤنلونده هؤرومجك­لر تور ساليب كيمسه­سيزليكدن
كيمسه­نی تانيمايير
سئومه­يير، نه ده سئويلمه­يير
هر كس اونا باخير
گؤزلری ايشيق­سيز
سؤزلری دويغو­سوز
دوداق­لاری قوپ- قورو

حياتا بير يابانجی گليب
نه حيات اونو تانيير، نه ­ده تانری

آردي-Ardı

ائلناز نستوه

ائلناز نستوه٫ آزربايجانين شاعرلريندن اولان خانيم٫ دونياميزدان گئتدي

بای بک | آراگؤن, ۲۶-ي قوراپيشيرن , ۱۱۰۰۷ اینجی ایل, چولا ۰۰:۱۶ | خبرلر, شعر, تورکجه

بو ايل باهارينين سون گونلرينده چاغداش درنه یینین ایشیقلی اولدوزو ؛ گئنج شاعيره ( ائلناز نستوه ) آجيناجاقلي گئديشيله اوزدونياسين ده ييشدي٫ روحو شاد، اثرلري اولمز اولسون.

خاطيرين عزيز ساخلاماق اوچون ، بير شعرين اوخوياق:

توخونمادي سئوگيميز
ديله ييميز, ياريمچيليق اوره ييميز
او سحر
دئپرم يووانين باشيندا توتساق
قاپيني آچمامالييديق
بير بارداق سو بئله …

هئي,
داغيلدي توخودوقلاريميز
ديله ييميز
ياريمچيليق اوره ييميز
داغيلدي سئوگيميز

بوگون,
ال اله توتوشوركن
يالانجي دويغولارا پاي اولدوق
گل!
آياقلاريمين ايزي ايله گل.
اورايا
هئپ ايسينديغيم يئره
ياني اوره ييمه
ديله ييمه
دويغولاريما
گل!
ايسينديغيم يئره گل

گلين

سوسقون قاريلار اوباسيندا
قويلاندي بير گلين
داشي ياغديرديلار باشينا
ساچلاريني پايلاديلار
پاسلي بير اينام
اييله دي نفسلريني
و گولدو ارككجه سينه
بوتون يازيلار قويلاندي
و من
ان زيروه سينده

آردي-Ardı

زهرا نظرنژاد-داملا

...
يالان دانيشسان
تانري اَتيني شيشه تاخار !
اوغرولوق ائتسه ن
تانري اَتيني شيشه تاخار !
عوصيان ائتسه ن
تانري اَتيني شيشه تاخار !
يوخسا تانري
بير منيم اَتيمين آجي‌مييدي ؟
كي ايندي ايسته‌مه‌دن عوصيانا چاتيرام .
شئعر دئييل بونلار
زوققولتو ماهني‌سيدير آغرييلاريمين .
دينله گوجون وارسا
من بؤيله ياشاميشام آنا !
اونوت دئدييين
ياشاماديغيم آرزولارا نيسگيل‌له نمه‌ميشه م
و ياشاميمي ايتيرميشه م
ايتگين اوره‌ييمين واراقلارينين اورتاسيندا
من بؤيله ياشاميشام آنا !
دوداقلارينين بيتمه ز هوسيندن
اييره ندييم دونيايا اؤپوش اؤيره تميشه م
بؤيله ياشاميشام آنا !
بير تيكه چؤره‌يه مين تندير قابار ...
دئ بونلارين حئسابيني كيمه سوروم ؟
من كيمين اَتيني شيشه تاخا بيله‌ره م ؟
كيميني ساللاغا چكه‌بيله‌ره م ؟
هله‌ليك
اؤزوم ـ اؤزومه داراشميشام
من
ان ويجدانلي‌سي
اؤنجه اؤزومه داراشميشام
و سونرا
سونراسي دا سنده آنا
آنا !
آماندير
ديرناقلاريني چئينه‌مه
بير گئجه‌ليك چؤره‌ييم آز گله ر بيردن
و ساساديغيم زامان
شاهداماريني دوداقلاريما باغيشلا سن
آنا لوطفن ...
من بونلارين حئسابيني كيمه سوروم ؟
تانرينين ديلي يوخ ،
يالنيز سسسيز بير كؤتك آغاجي وار
دونيا ايسه ويجدان‌سيز بير قضاوت‌چي
من بونلارين حئسابيني كيمه سوروم ؟

آردي-Ardı

معصومه مهين باقري

ائل قيزييام

توپراغي دوز باسيلميش
كؤنلو اوخلانميش
سينه سينه كؤز باسيلميش
يوردو تالانميش !
نه بيله جكسينيز ! ؟
نه لر چك‌ميش
نه لر گؤرموش
داها بسدير بو قارانليق . بو دومانليق
خبر وئرين
ائللر گلسين
گول چيچكلر عطير سپسين
گؤي گئنيش‌له نسين ، مايالانسين
بيرليك اولسون .

آردي-Ardı

شكرانه عالم

دامو

گوناها باتديغيم گونلر گوناهسيز

سن منيم قارشيما چيخميسان يقين
اوتوز گون تانري ايله حالاللاشسام دا
بو آخشام عوصياني گزيره م سين ـ سين

قورآن‌دان اَه ينيمه كؤينك بيچمه‌يين
آياغيم دامويا سورگوله‌نيبدير
خونچامدا ايري گول «خلعت خندان»لار
وولكانلار بويوما اولگوله‌نيبدير

دورمادان آلووا دويون سال مني
ايچيمه ، سن بويدا گوناه قالانيب
نه سويا راست گلدين ، نه سئله آخديم
سانيرام اوستومه اوجاق جالانيب

آ‎غيزدان ـ آ‎غيزا ائشيتميشه م كي
قونشوموز پاي وئرير اودو اؤزگه‌يه
يول اوسته كورفزي اووجونا ييغيب
گيزليجه تؤك ـ داغيت بيزيم كوچه‌يه

قورخورام او دامين سنسيزليييندن
قاپيمي چالالار گئجه ياريسي
توكه‌نه م نابلد سو اوجاقلارا
كابوسلار اوستومه ياغا هاميسي

گوناها باتديغيم گونلري سئوديم
آخي سن قارشيما گليب ـ كئچيرسه ن
ايري گول خلعتلري توي ـ دويون مالي
من منيم بويوما دامو بيچيرسه ن

آردي-Ardı

معصومه صادقي سپهر

عرب ادبييات ليسانسييه سي- رزن شهه ريندن- همدان اوستاني - آذربايجان

منيم آي غملي ديليم ! («سينا» هفته لييي نين 113- نجو ساييسيندا چاپ اولموش)

منيم آي غملي ديليم !
درده بورونموش
سنه چوخ دردلي سؤزوم وار
سنه ايللر بوْيو قان آغلاماغا بيل كي گؤزوم وار
داخي دوستاقلي گؤنول ايچره كؤزوم وار
سن آتامين ديلي‏سه ن ، هم ده آنامين
ائليمين ، ميللتيمين ، كيمليييمين
بايراغي سَنسَه ن
تؤركلويون شانلي نيشاني
اُولاماز نازلي ديليم من سني آتام
اؤزگه ‏لر ديلينه ، ياد ائللرينه من سني ساتام
سني آلداتماييرام
سني ايچدن سئويره‏ م
سن اگر سولغون اولاسان ، سولاسان
گؤزلريم گؤز ياشيني دالغالارام
ظولمه قارشي آخارام
كؤزه ‏ره ‏ن گؤكسوم اوديله ياخارام
ظولمه سوْن نوقطه‏ سيني قويمالييام
سنه من آند ايچَه ره ‏م
آخي تورك'ون توْرونو
آنا "تومروس" قيزييام
آي منيم غملي ديليم !
درده بورونموش
سنه من آند ايچه ره ‏م
سنه من آند ايچه ره ‏م

آردي-Ardı

راضيه كاظمي كراني

قاشقاي يوردو

راضيه كاظمي كراني 26 اسفند 1361 در روستاي صحراي باغ از توابع شهر لار- طايفه عمله تيره كراني- بدنيا آمد. نوشتن را از 10 سالگي با انشانويسي و داستان نويسي آغاز كرد. از سال 1380 شروع به خواندن كتابهاي تركي كرد و الفباي لاتين زبان تركي را نيز فرا گرفت وي سرودن اشعار تركي را به طور جدي از تابستان سال 1384 آغاز كرده است. ايشان اشعاري نيز به زبان فارسي سروده اند.

Raziye Kazemi Koranı isfendiñ 26 günü, 1361 yillinde Sehra-ye Bağ kendi, Lar şehriñ tevabesinda Emele'niñ Koranı tiresinde doğuldu. Kazemi yazdıgı 10 yaşarlıgden, inşa ve dastanınan başladı. Sora Türkçe elefbasını ergendi. Türkü kitabları oxudu. Kazemi şiir soylamagı 1384 yilliñ yayında başladı:

Sen Araz çayından geçmemişeñ sen سن آراز چاييندان گئچمه ميشنگ سن؟
Körpeleriñ etteginde yaymamışeñكورپه لرينگ اتگينده يايمه ميشنگ سن؟

Ayrılığa qana sebri çox ellimآيريليغا قاناه صبري چوخ ائليم
Döndüg içi bir körpü vurmemişeñ senدوندوگ ايچي بير كوپرو وورمه ميشنگ سن؟

Dine dine de ki seni satdılarدينه دينه دئ كي سني ساتديلار
Hürmetiñi boyun ardına atdılarحرمتينگي بويون آردينا آتديلار

Özleri ve yaşıl yanan gözleriاوزلري و ياشيل يانان گؤزلري
Çadırleri kend etdiler qoyunları satdılarچادرلري كند ائتديلر قويونلاري ساتديلار

Kim döşledi senin torpağını ataكيم دوشله دي سنين تورپاغين آتا
Dedü ged ged o uzaq yollaraدئدي گئد گئد او اوزاق يوللارا

Dalınca aşıqınen sazı yollaramدالينجا آشيقينن سازي يوللارام
Çölden yolla ara düşen dağlaraچولدن يوللا آرا دوشن داغلارا

****

Qaşqa çemen bağçasiniñ almasıقاشقا چمن باغچاسينين الماسي
Çölden dağa yüreğimiñ parasıچولدن داغا اؤرگيمين پاراسي

İnanma ki bir gün senden ayrılamاينانما كي بير گؤن سندن آيريلام
Çağırınen çörek yüreğimin faydasıچاغيرينن چوره گ اوره گيمين فايداسي

Menden sora bu bağ o bu üzümlerمندن سورا بو باغ– و بو اؤزوملر
Gelinlerin ağ boyunu o düzümlerگلينلرين آق بويونو و دوزوملر

Menden sora vefa kimsede görmeمندن سورا وفا كيمسه ده گؤرمه
Qardaş olmaz mene özgelerقارداش اولماز منه اؤزگه لر

Meni qovduñ olduz olañ göylereمني قوودونگ اولدوز اولانگ گؤيلره
Yere vurdiñ el tapmayam ellereيئره ووردونگ ال تاپمايام اللره

Bezenmiş gelin tek gözel iy varıñبزنميش گلين تك گوزه ل ايي وارينگ
Yel eseydi tutiyañı gözlereيئل اسه ايدي توتيانگي گؤزلره

آردي-Ardı

پري-ساري گلين

Pəri-Sarı Gəlin

Sarigelin_peri@yahoo.com

Bayrağım dilim … dalğalansana!

…burax gözlərim
burax ürəyim sızlasın
küçələrdən silinsə də
tökülən günahsız qanlar
ürəyimin torpağında
ömürlük qalacaq
sənin yaşlarınla bəsləyəcəm
qan dənini
intiqam göyərəcək
heç solmayacaq
öc almayınca

burax ürəyim

burax gözlərim ağlasın
yerlərdən yığdığı qanlar
indi zuğ atıb
bax!
qrmızı lalələr boylanıb
bəbəklərində!
borcluyam o ölməzlərə
al lalə əkməliyəm
hər məzarın başında
günlərcə...
zəfər gününə qədər

burax əllərim

qoy qələm dilə gəlsin
çizsin
ağ sinəsini kağızın
coxdan bitmiş
göy mürəkkəbi!
qan dolaşır damarında
bax!
qan qusacaq indicə qələmim!
qan yazacaq!

burax canım

özgür burax ruhumu
ənginliyə var həvəsi
ver açarı
açım dar qəfəsi
ruhumu azad et, uçursana!

Eh… boş ver dilim
nə çıxar bağlı qalmaqdan?
söyləyə bilməyəcəksənsə düşüncəmi
nəyə yarar var oluşun ağzımda?!
ya haykır istəyini
ya sökül kökündən
haydı... haraylan...
bağırsana…
sən bayrağım dəyilsənmi?
dalğalansana...
mənliyini, özlüyünü çağırsana…
alsana...!!

Sarı Gəlin ( Pəri )- 16 June 2006

1- Türkün gücü

Hələ çapdır atını...
hələ yandır vətən gülzarını
kül et arzular fidanını...
hələ tapdala kimliyimi
kəs dilimi... əz varlığımı...
hələ qaldır hər gün zəfər bayrağını
zindanlar divarlarına !!...
Mənim səbrim bitən dəyil
elə gücüm də...
ya sənin ?!
əlbəttə sənin də
ömrünün, saralan o son yarpağı da düşəcək
dövranın bitəcək
bax! Bitməkdədir belə...
Gün gələr əzdiyin kimi əzilərsən
bir qurumuş ağactək kökündən kəsilərsən...
Mən əsalətli qar kimiyəm
zülmün hərarətindən ərisəm də
yox olmaram mən
billur kimi duruluq, şəffaflıq gözlər məni
aydınlıqdır gələcəyim...
Baxma ki tək başıma bir damlayam
"birlik" çeşməsinə
Axsam…
qarışsam axan çaylara
coşsam...
dalğalar qoynunda çatsam günəşə
içsəm yudum yudum sarı ışığını...
silsəm ürəyimin köhnə pasını
parlasa köksüm
vətənimin qızıl torpağıtək...
buludların bəyazlığına
qarışsam…
borc alsam səxəvətindən
bütün xalqıma yetəcək qədər!
yağış olsam…
yağsam tüm susuz ruhların üzərinə!
öz həyatımdan pay verib
can vere bilsəm quruyan çicəklərə...
Qıraram əllərimə hördüyün torlarını
yıxaram "90 illik" sitəm qoxan qalanı
göstərərəm aləmə çirkin, o örümcək üzünü!
Bax!
Elə o gün sənin ömür çırağın sönəcək
baxtın taxtdan düşəcək!
o gün türk xalqımın üzü yenə güləcək
Çox yaxındadır o gün, görəcəksən
"elin gücü sel gücüdür" biləcəksən
Artıq sönmüş ocaqlarımızı yandıracayıq
daha "sən", "mən" yox, birlikdə "biz" olcayıq
Mən o günün intizarındayam
mənim səbrim bitən dəyil
"Türkün" gücü bitən dəyil...

Pəri (Sarı Gəlin) - 16 Yanvar 2006

2- Alın yazımdasan

Hara baxıram sən ordasan, yanımdasan
Adın dilimin əzbəri, əlimdəki sazımdasan
.......

Sən olmusan varım, yoxum, tək diləyim
Dərd ortağım, çoxumda həm azımdasan
.......

Necə unudaram səni, ürəyimin arzusunu
Bağlanmısan qədərimə, alın yazımdasan
.......

Nə fərq edər ayların, fəsillərin dəyişməsi
Sən həm qışım həm baharım yazımdasan
.......

Sənsən səslədiyim, Allahımdan istədiyim
Tanrıya etdiyim hər duada, niyazımdasan
.......

Xəyalinlə gülərəm, xəyalinlə mən ağlaram
Hər sevincimdə, axan göz yaşlarımdasan
.......

Səndən əvvəl də yaşayırdım? heç bilmirəm!
Tək bildiyim bu günümdə, sabahımdasan
.......

De səni sevmək niyə günahdır niyə yasaq
Yaşadığım hər gözəllikdə, səvabımdasan
.......

Sanma ki əl çatmazımsan, cox uzaqdasan
Damarımdaki qan, candan ötə canımdasan
.......

Sənsiz heç olmadım qalmadım, olmaramki
Axı çəkdiyim hər nəfəsdəsən, həyatımdasan

Pəri (Sarı Gəlin) - 6 Yanvar 2006

3-Gözlə məni vətən gələcəyəm…

Gözlə məni vətən, gələcəyəm!
Qollarım sarmaşıq olacaq ətirli torpağına
Sevincdən bulud bulud dolub ağlayacağam
Üzündən köhnə qəmin tozunu sıləcəyəm
Gözlə məni vətən, gələcəyəm
.......

Həsrət yüklü illeri geridə qoyub
Vusalının şirin dadını dadacağam
Qurbət daşı sıxmayacaq artıq sinəmi
Atıb, ağırlığın ələyəcəyəm
Gözlə məni vətən, gələcəyəm
.......

Ney etmiş məni, gülzar hicri, sızlaram həzin həzin
Bir sənə qovuşum! Saz olub könlümün titrəyən
tellərin çalacağam!
Eşqinlə ruhum çağlayacaq, nəğmə qoşacaq
Hər şerimdə yurdum-yurdum deyəcəyəm
Gözlə məni vətən, gələcəyəm
.......

Sınacaq bu daş qəfəsin divarları
Quş olub, qanad açıb sənə uçacağam
Nə od, nə külək susdurmayacaq məni
Ta canım var, adını ötəcəyəm
Gözlə məni vətən, gələcəyəm
.......

Həsrətin qışı necədə qar yağdırıb saçlarıma!
Sənlə olsam əriyəcək saçlarımın qarı,
cavan olacağam
Təzə nəfəs səndən, yanan ürək məndən
Sevgimi çiçək edib yoluna sərəcəyəm
Gözlə məni vətən, gələcəyəm
.......

Sənsiz payızam! Nə baharın anlamı var nə gülün
Sənə çatsam nə yarpaq düşəcək ömrümün
ağacından nə solacağam!
Dağdan axan çağlayan çeşmə olub
Susuz sonalarına su verəcəyəm
Gözlə məni vətən, gələcəyəm
.......

mənim çiləli yurdum, baxtsız Ana vətənim
And olsun muqəddəs torpağına, adını hər yerdə
ucaldacağam
Gök üzündə zəfər günəşin doğacaq
Söz verirəm üzündən köhnə qəmin tozunu
siləcəyəm
Gözlə məni vətən, gələcəyəm
Gözlə məni vətən, gələcəyəm! ...................

Pəri (Sarı Gəlin) – 2005

4- Adına qurban AZƏRBAYCAN

Adına qurban Azərbaycan
Qeyrət qoxulu torpağına...
Şirin şəkər dilinə...
Odlu ürəyinə…
nəfəsinə qurban Azərbaycan!
.... .... ....

Aşığının köksünə sıxdığı saza
Sazında sızlayan sarı telə...
Göygölünə, aydın suyuna...
Başı dumanlı
Savalana qurban Azərbaycan!
.... .... ....

Atalarının şərəf çizgili əlinə
Analarının mələk üzünə...
Oğullarının mərdliyinə...
Qızlarının utanqac baxışına,
həyasına qurban Azərbaycan!
.... .... ....

Sənlə yaranmış qədim tarixinə
Babəkinə, koroğluna, nəbinə...
Canına can qatan sevdalına...
21 Azərdə xalqının himmətinə,
axan qanına qurban Azərbaycan!
.... .... ....

Muğamına, nisgilli tarına
Coşqun ürəkli şairinə, sözünə...
Şirininə, həm də acına...
Həsrətinə, sevincinə, sənə Ana diyən
dilə qurban Azərbaycan!
.... .... ....

Mənə bəxş etdiyin şana, şöhrətə
Əbədilik fəxr səbəbim TÜRKlüyümə
Könlü yaralı Arazına, mavi Xəzərinə...
O tayına, bu tayına, hər qarış
torpağına qurban Azərbaycan!
Adına qurban AZƏRBAYCAN
.... .... ....

Pəri (Sarı Gəlin) - 26 Noyabr 2005

5-Bilirəm bir gün bal damlayacaq dilimdən

- Hələ çox yalnızam özgürlük yolunda!
- kaşkı bu sevdamın ayaq izləri qala caddələrdə, yollarda...
- "öz dilimə" susamış səsim, fəğanım ilə
- oxudum…
- oxudum dənizin dalğalarından…
- ləpələrin bəyaz ruhundan
- qayaların dayanışından...
- qaranlıqda həbs olunmuş gecəmizdən...
- həsrətində yandığımız, ışıqlı gələcəyimizdən...

- Ağacların qurumuş bədəni canlandı səsimdən, diləyimdən...
- Budağlarını açdılar özgürlüyə doğru qanad çalan nəğməm
üçün!

- ...Uçmağa qanadım yox, amma
- Yazdım, danışdım illərcə quşdan, uçmaqdan, Azadlıqdan

- ...Sədaqət oyununda həmişə udan mən oldum
- Sədaqətsizlik görsəmdə qəddar zamandan!
- "olsun" dedim...
- Yenə sədaqətli olacağam mən hər zaman!

- Hara baxdım daş qəfəs gördüm
- içində gözü yaşlı gövərçinlər...
- ancaq mən mavi göyün şəklini çəkdim
- bir an belə durmadan könüllər dəftərində
- gök üzündə dolaşan Azadlıq nəfəsi, havası
- Silinməsin , unudulmasın deyə yaddaşlardan!

- Yenə şerimin qanadlarında uçdum ulduzlara...
- Arzulara...
- Nə olar ki !?
- Səbirli olmalıyam...
- Bilirəm bir gün
- ədalatsizlik əlində əsir olmuş "Azadliq" gələcək
- gələcək
- qapımızı döyəcək!
- Bilirəm nəmli zindanların dıvarlarına "birlik" sarmaşığı dolaşacaq
- dustaqlar yıxılacaq...
- "istiqlal" günəşi can verəcək boynu bükük fidanlara
- "bağımsızılq" çiçəyi boylanacaq...
- ucalacaq...
- aydın səmaya çatacaq...
- Bilirəm bir gün
- "yad dilinə" zəncirlənmiş dilimin açarını tapacağam!
- Atacağam bu zənciri…
- "öz dilimə" qovuşacağam
- nəğmələr qoşacağam...
- Bilirəm o gün bal damlayacaq dilimdən...
- "Ana dilimin" şirinliyindən!...

Pəri (Sarı Gəlin) - 6 Noyabr 2005

6-Mənım ürəyim

Ürək var damlaya, ürək var ummana bənzər
Mənim ürəyim nə damladir nə umman
Çağlayan-coşan şəlaləyə bənzər
.......

Ürək var daşlar kimi, ürək var muma bənzər
Mənım ürəyim nə sərt bir daş nə əriyən mum
Bağrında ceyran bəsləyən dağlara bənzər
.......

Ürək var səhraya, ürək var bağa bənzər
Mənım ürəyim səhra deyil, bağ deyil
Kiçik amma ətirli bağçaya bənzər
.......

Ürək var ağlar bulud, ürək var gülən günəşə bənzər
Mənım ürəyim bulud yox, günəş yox
Gözü yaşlı, dodağinda təbəssüm nərgizə bənzər
.......

Ürək var tikan budaği, ürək var qərənfilə bənzər
Menım ürəyim tikan budaği deyil, sevgi qərənfili yox
Əzəldən aşiq olan laləyə bənzər
.......

Ürək var biganə bir not, ürək var tanınmış təranəyə bənzər
Mənım ürəyim nə biganə not nə dillərə əzbər təranə
Həzın səslı sınmış bir tara bənzər
.......

Ürək var qıfıllı bir otaq, ürək var açiq saraya bənzər
Mənım ürəyim nə qıfıllı otaq nə açiq saray
Məhəbbət üçün çırpınan isti yuvaya bənzər
...........
Pəri (Sarı Gəlin) – 2005

7-Arzu

Arzum budur eşq oyununda
sənin yanında olam
Ay ışığından bir kəmənd atam olduğun yerə
sənin yanında olam
.........

Könül istər hər gün düyam
səsini, sözünü
uzaqdan uzağa şeyda olam sözlərinə
sənin yanında olam
.........

Bir tək gülüşün yetər ki
ayrılam yalnızlıqdan
olam azad hər qədəm kədərdən
sənin yanında olam
.........

Bəsdir bu qədər xəyalınla
yaşadım tək başıma
istəyirəm xəyallar gərçəyə dönsün
sənin yanında olam
.........

Qoy hər kəs atsın məni
unudsunlar adımı
təkcə sənin dilində olsun adım
istəyəsən sənin yanında olam
.........

Sən ayrıldın məndən,
getdin çox uzaqlara
inan bir tək çağrınan gələrəm
sənin yanında olam
.........

Yalnız xoş əyyamında
şad günündə dəyil
ən kədərli, dərdli, gecəndə gündüzündə belə
sənin yanında olam

Pəri (Sarı Gəlin) - 2005

8-Qarabağım

Söhbətə çağırır şuşa ceyranı...
Çağırır yaralı yaralı səni...
Çağırır axdıqca gözümün qanı...
Bu gün Qarabağın maralı səni...
"Qabil"

“Şuşa ceyranı” ürəyinə qurban
Sinəndə qanayan yaraya qurban
Gözlərin ağlar, səsin həzin
Vaxtsız ağaran saçına qurban
.......

Sən o tayda, mən bu tayda
Dərdlərin ruhumu çəkir dara
Sanma unutmuşam səni, “Qarabağın maralı”
Hicran acısını sözumdə ara
.......

Çağrına səs verən mənəm, duy səsimi
Həsrətinə yanan mənəm, paylaş qəmini
Bax! Qarabağ çagırır bizi, birləşməliyik
Uğrunda Anamızın sütünə and içməliyik
.......

Dolmasın gözün, düşmən ağlasın
Başını əymə sən, namərd utansın
Vətən adlı sevdamız cəhanı sarsın
Qoy bu sədamız hər yanda ucalsın

"" Damarlarımdakı axan, dolaşan qan!
Könül yaram, sevgi bağım “Qarabağım”
Qara gününü gördükcə bağrım şan şan
Baxtı qaram, Arzu anam “Qarabağım”

Adınla fəxr edir səni hər tanıyan
Dillərdə əzbər olsun adın “Qarabağım”
Zəfər günəşin doğmaqda, dayan
Tapılmaz bənzərin tayın “Qarabağım” ""
.......

Qış gedəcək, əsəcək bahar nəfəsi
Yerdə qalmayacaq məzlumun naləsi
Yüksələcək könüllərdə Xanın səsi
Saracaq vətəni Qarabağ şikəstəsi

Pəri (Sarı Gəlin) - 3 Avqust 2005

9- Borcluyam sənə

Məhəbbətin ruhuma fırtınalar salsada
Sənsiz ürəyim çağlayan sel olsada
Təkcə sənindir bu könlüm, yalniz səni sevəcəyəm
.......

Dodağım sənsiz gülüşə həsrət qalsada
Ayrılıq qəmi indi qəlbimi sıxsada
Bu arzu yaşadır məni "bir gün gözlərinə güləcəyəm"
...........

Heç inanmazdım belə sevdalanam
Eşqi tanıyam mən, ürəkdən bağlanam
Səxavətlə bəxş etdiyin bu sevgiyə gözümtək baxacağam
.......

Yox günəşim deyilsən başına dolanam
Demirəm mənəm pərvanən oduna yananam
Sən canımsan bu şirin canı ruhumla, qanımla qoruyacağam
...........

Yağmurlu bir gün yazdım ürəyimə səni
Hər yağan yağmur yaşadacaq bu sevgini, səni
Allaha, buluda, yağmura, sənə borcluyam, səni sevirəm
.......

Ulduzlar ovuclarıma qonur görəndə səni
Dunyam sevincə, nura boyanır görəndə səni
Səadəti, sevinci, sevgini, sənə borcluyam, səni seviram
"səni sevirəm"
...........

Pəri (Sarı Gəlin) - 15 Sentyabr 2005

10- Dünya bizimdir... Günəş bizimdir!

Ezizim qəm yemə ki dünya bizimdir
Egər ağladıq bu gün, sabah bizimdir
Gecəmiz indi qaranlıqsa, üzülmə
Bax! Günəş var o uzaqda ki bizimdir
.......

Ezizim dünyamız beləcə qalmıyacaq
Oyanar baxtımız yuxuya qalmıyacaq
Boylanacaq çəməndə gül də çiçək də
Tikan budağı bağçalarda qalmıyacaq
.......

Ezizim dünya gülüstan olar bir gün
Bülbül ötər, nəğməkar olar bir gün
Məhəbbət məskəni olar könüllər evi
Dərdimiz gedər, dərman olar bir gün
.......

Ezizim dünyadir bu, darıxma sən
Acısı da var şirini də, darıxma sən
Mən də gözləyirəm o aydın səhəri
Bilirəm yoldadır gəlir darıxma sən
.......

Ezizim qəm yemə ki dünya bizimdir
Egər ağladıq bu gün sabah bizimdir
Gecəmiz indi qaranlıqsa üzülmə
Bax günəş var o uzaqda ki bizimdir...
.......

Pəri (Sarı Gəlin) - 14 Noyabr 2005

11-İgidlər

Dağlar kimi sinəsi dağ
başı dumanlı olan
igidlərə eşq olsun!
.......

Öz həyatından pay verən
el içinə ışıq saçan
igidlərə eşq olsun!
.......

Əldə qələm, xalqa yaxın acılarını daşıyan
haqqı yazıb, alovtək yalanın xərmənin yaxan
igidlərə eşq olsun!
.......

Torpağına aşiq olan, yar bilib sevgi duyan
yar yolunda candan olan, namusunu qoruyan
igidlərə eşq olsun!
.......

Zalimlərə qarşı çıxan, zülm selinə divar duran
Kör oğlutək, Nəbi kimi, Babək misal qaya olan
igidlərə eşq olsun!
.......

Vaxt varki küləyə dönüb sitəm kökün yerdən qazan
bəzən sərin səhər yeli, gülün saçını darayan
igidlərə eşq olsun!
.......

Ac qalsada baş əyməyən, namərd çörəyin yeməyən
başı uca, ruhu azad, baxışından mərdlik yağan
igidlərə eşq olsun!
.......

Yurdum deyib, elin sevən, millətinə dayaq olan
əli açıq, ilqarı düz, haqqı nahaqqa satmayan
igidlərə eşq olsun!
.......

İstiyərək canın verən, malın verən, ana dilini yaşadan
dillərindən heç düşməyən vətən adı "Azərbaycan"
igidlərə eşq olsun!
...................

Pəri (Sarı Gəlin) – 2005

12-Azad ol

Qanadı Kəsik bir quşam, uçmaqdan diyən olmasın
Nəğmələrim həzin həzin, "şən oxu" diyən olmasın!
... ... ...

Yaralı könlüm vətən yadilə sinəmdə çırpınır
Keçmişi unud, xatırlama bir daha diyən olmasın!

*** *** ***

Çiçəklənmiş, başı göklərdə olan ümid ağacımı
Qəm tişəsi yixib, yenidən gül açar diyən olmasın!
... ... ...

Duyğu bağçamın, candan sevən, tək bağbanidım
Talan etdi payız gülzarımı, yaz gələr diyən olmasın!
*** *** ***

Kimsə eşitməz həsrətdən doğulan uca səsimi
Dağlara dəyər qayıdar, bir duyan var! diyən olmasın!
... ... ...

Qanadın vardır əgər uç göklərə, Azad ol qardaş
Mən qəfəsdə qanadım kəsik! uçmaqdan diyən olmasın!
*** *** ***

Pəri (Sarı Gəlin) - İyul 2005

آردي-Ardı

اورمولو توركان

Urmulu Türkan

turkan_urmulu@yahoo.com

1.Tamam canım

boşladım gözlərini
bu pəncərə
bu da mən
hər gün səhər günəşlə
baxışıram
göz gözə ...
səhər mənim
şəhər mənim
şer mənim
sığa bilər birində
gözlərimin yaşında buz bağlayan
öldürücü həsrətin
...
tamam canım
boşladım gözlərini
bu pəncərə
bu da mən
bax hər axşam ufuqla
qolboyunam
əl ələ ....
ayla yoldaş olmuşuq
min ulduz var qoynumda
sən gedəndən hər gecə...


tamam canım boşladım...
sən qazandın
bir heçə...

2 .
qaşlarımı aldırmayacağam hələ!
Qoy bu ayrılığın qırxı çıxsın
sonra...

nə məktublar
nə mahnılar
nə rəsimlər...
yoooox
inan ki hədyələrə görə deyil bunlar !

təkcə güzgünün xətirini saxlamalıyam
yuxadır ürəyi axı
üzümə baxmaya bilər
gəlin çıxan a..n..l..a..r..ı..m..d..a......

başqasının üzünə baxmayacağam hələ!
Qoy bu sevdanın ili çıxsın
Sonra...

3
Ürəyini
iskambil kağazlarında axtardığıma
gülmə !
Sənsizliyin məhşərində donmuş ruhuma
əlimdən gələn bir şey önər
gecənin yarısı...

4
Təkər təkər ...
Sürtüldü şerim caddələrə!

Asfaltı gəmirən tərli otobusun içində

qanadı
qanserli oğlanın dərdindən!!

Gözləri doldu !!
Vaaaaveyla ...

yardım edin şairlər
mən ağlaya bilmədim...

5
Sən
otağımın pəncərəsindən
Urmunun tərli havasına doğru uçan
tüstü oldun sadəcə

bir də yarım qalmış bardağımın dibində donan
peşman cəsarətimin artığı
boşluğumda bacıma anlatdığım
o sallaq dodaq hikayələrdən

sən qızsal sözcüklərin qəhrində bulanan
o küs nənə oldun
küsdürdün!

Eeeey baxışlı gülüşlü qəhrəman
təbrikləəəər
şair qızın göz yaşı oldun !

6
O
məni məndə taparaq
mənə bir mən verire
mən o məni
nə sənə
nə ona
nə mənə
sata bilməm gözəlim
o mənim
mənliyimin zirvəsidir
dana bilməm gözəlim
məni məndən alaraq
sənə sən söyləyəməm
anla məni
gözəl yarım
gözbəbəyim

7
Haradaydın sən?
dünən pərdə dalına baxdım
yoxuydun!
Pəncərəni açdım həyətə baxdım
Yoxuydun!
Otaqları bir bir axtardım
dəlirdim
dolablara
çəkməcələrə
çantama bilə baxdım
yoxuydun!
Paltarlarımın ceblərinə
Saatıma
üzüyümə
istəkana

semavara
su səpilmiş küçələrə
Saray qaçırdan sellərə ...
Yoxuydun!
Nə boşuna üzüldüm!
yorğun arğın
xəstə ürəyimə döndüm
gözüm aydın
sən ordaydın varıydın ...

8
Mənim də hisimi alın qadınlar
Pərdə pəncərə
Taxta tabaq
Heç olmazsa yorğan üzü sanın məni!!

Paxırlanmışam baxın!
Çarğatımı başımdan atın!
Saçlarımı darayın!

sonra da
şəhərə gül almaya yollayın ...

mən də
bu şəhərdə
artıq nəfəs almalıyıq

siz də
gülümsəyin
gülümsəyin
gülümsəyin qadınlar...
qar altında qar çiçəyin unudmayın qadınlar
qadınlar
qadınlar...

9
Sənin mənə baxışların
şarab camlarına axsa belə
gülüşlərinlə birlikdə,
nə çıplaq bir sonuç olar
nə də uzaqlaşınca məni ağladar
bu durum
ancaq
şer olar!

mənə baxar
+
yağar...


10
Məni buraxmayan
2 vurğunum var
2 dəlim!

Birinin adı yaşam
Birinin adı ölüm

Ucaboy yaşam gözəldir,
mənə baxar
şer yazar
şarab içər...
ölümsə
təkcə xəbər göndərər
sonda mənimsən deyər.

nəysə
mən sevgilimi seçmişəm
gedin deyin ölümə
yaşamla sevişmişəm.


11
Gözəlliyin örnəyini qoyduğun an
gözlərimin önünə,
gözəl sandığım
bütün gözlər
gözümdən düşdülər!

Gözlərimə zillən sevgilim
Baxacaq yerim qalmadı...

12
Məni götürdüyün an
ətəyində duracağam sandım
o dağın.

Deməli
zirvədə varmış
soyuq qar
islaq yağış!

Nə yorğan götürmüşəm
nə balış

sar məni sevgilim
sığınacaq yerim qalmadı.


13
Bax
əllərim bom boş!
Nə məktub səsi var otağımda
nə bir baxış
gözlərindən
göz yaşlarımda
bir şey ummaram
qorxma!

Mən bu alçaq göyül sevdamı
Sevərəm.

14
Gecə yarısı
gün orta çağı
ikindi
öylən
səhər
...

ən dəli anımda gəl!
Səni
şer etmək istəyirəm.

15
Ölümdən
qorxdüğüm üçün dəyil,

qucağına
özgür getmək üçün,
yaşamı sevərəəəəəəm.

16
İllərdir
bu ayaqyalın xiyavanların


gedə atmacalarından
iyrənirəm.
Birgün
şəhərin ortasında
qusarsam
mənə
xəstə adı qoymayın,
adım
Türkan
qadınam.


Günəşin anahtarı...

yalnız deyiləm artıq
otağımın anahtarı
gunəşdə var!
darıxdığım zamanlar gələr
heçdə gürültü etməz
gecəylə barışıqdır üstəlik
istədiyi zaman saçar...
meyvə
çay
xoşgəldin
salam belə bəkləməz!!
Buralardakılara bənzəməz...
Oturacağı yeri yaxşı tanır !
Sssssuuusss...
taxta masanın üstündə
ağ kağazlar
o + mənim ap aydın anılarım...
qaça qaça gəlin
eeeey yetim qalmış şəhərimin
xiyavanlarında ayaqlanan dilimin
dəli sözcükləri!!
Yaşaya bilərsiniz artıq
Günəşin anahtarı məndə var...

Azərbaycan Ulduzu

Sən ki qanad açmayıbsan
Göy üzündə uçmayıbsan
Quşlara yolsuzdur demə!
Günəşə qolsuzdur demə!
Sən ki aşıq olmayıbsan
Heç saz ələ almayıbsan
Aşıqlara məcnun demə!
Hər Səmədə vurğun demə!
Sən ki bağban olmayıbsan
Gözü göydə qalmayıbsan
Buludlara ləkə demə!
Yağmayaydı keşkə demə!
Sən ki şoxum əkməyibsən
Alın təri tökməyibsən
Rəşbərə müftəxor demə!
Yerdə səmər yoxdur demə!
Sən ki yad qulluğundasan
Özgələr quyruğundasan
Öz dilində yazma! Demə!
Bizim dəbi pozma! Demə!
Mən “Türkan”am, Türk qızıyam
Azərbaycan ulduzuyam
Anlamışam varlığımı
Öz dilini qanma demə!

Xatırlar...

Təkliyimdəki axşam...
Gözləri dolar ara sıra!
Gözlərinin rəngini
yadırğ amasın-deyə,
Sözlərin yazar ara sıra...
Möcüzəli bir söz ağlar...
Sətirlər
ardı ardına dolar,
baxışlarında çabalar!
Sətirlərin rəngi atar,
xatırlar...
xatırlar...
xatırlar...
-----------------
Biləsuvar gömrüyündə 10 otaq

Gözləri çox umudsuz!
Gözəl baxış görməyib!
Kiprikləri cum culaq!
Bax sən ona, arxadaş!
Dodaqları bəm bəyaz!
Umud gölü çox dayaz!
Dondurur qəlbin ayaz!
Öp, sən onu, arxadaş!
O çooox! Amma çox qərib!
Gülüş nədir? Bilməyib!
Sevgi ona gülməyib!
Gül sən ona, arxadaş!
Sev sən onu, arxadaş!

28-03-2007: Biləsuvar gömrüyündə 10 otaq

RASİM QARACA
azadyazarlar@yahoo.com

Hər il Novruz bayramı şənliklərinə qatılmaqdan ötrü qonşu İrandan ölkəmizə təqribən 40-50 min turist gəlir. İran vətəndaşına Bakı bir həftəlik, 10 günlük gəzi üçün ən əlverişli məntəqədir. Şübhəsiz, İrandan ölkəmizə gələn turistlərin əsas hissəsi Güney Azərbaycandan olan soydaşlarımızdır, demək artıqdır, bu insanlar həm tə'til etmək, həm də ayrılıq həsrətini gedərmək üçün müstəqil Azərbaycan'a gəlirlər.

On illər boyunca Azərbaycan'ı, Bakı'nı görmək arzusuyla yaşayan insanları təsəvvürünüzə gətirin, onlar üçün bizim yaşadığımız bu ölkə əfsanəvi bir məkandır... Deməyə nə ehtiyac var axı, Araz'ın o tayından gələn insanlar bu taya necə əsrarəngiz duyğular bəsləyirlər.

Ancaq gəl gələlim Azərbaycan sərhədlərinə ayaq basan o taylı qardaş-bacılarımızın bütün gözəl duyğuları uf demədən ayaqlar altına atılır, elə gömrük yoxlama məntəqəsindəcə onları ağlagəlməz kobud münasibət gözləyir, çox keçmədən müstəqil Azərbaycan Respublikasına ayaq basdıqlarına görə onlarda peşmançılıq hissi yaranır.

Bayram günlərində ailəsiylə birlikdə Bakı'ya turistik gəzintiyə gəlmiş güneyli gənc yazıçı Türkan Urmulu Biləsuvar gömrük məntəqəsindən Bakı'ya çatıncaya qədər başlarına gələn xoşəgəlməz hadisələrdən danışdı: “İran'a ən yaxın ölkə Azərbaycan'dır, ətraf ölkələrlə müqayisədə ən əlverişli olanı Azərbaycan'dır. Çox insan, hətta Farslar buraya gəlmək istərlər. Ancaq kiçik səbəblər bu gəliş-gedişi əngəlləyir. Azərbaycan'da turistləri qəbul etmək mədəniyyəti aşağı səviyyədədir, burada turistlərlə çox qaba rəftarın şahidi oluruq...”

İrandan Azərbaycan'a gələn vətəndaşın rəsmi viza xərci 45 dolara yaxındır. Əslində yüksək olan bu rəqəmi İran vətəndaşı ödəməyə hazırdır, yetər ki, sərhəddi adlamaq məsrəfləri bununla tamamlana. Ancaq xərclər bununla bitmir. Biləsuvar gömrük məntəqəsindən geçən dostlarımız burada əcayib mənzərənin şahidi olublar: “Geçid-yoxlama məntəqəsində insanlarla sanki bir cinayətkarmış kimi davranırlar, mədəni rəftar göstərmirlər, otaq-otaq gəzdirirlər, bir otaqdan o biri otağa göndərirlər, hər otaqda da məcburən pul verməlisən, təqribən 10 belə otaqdan geçib hər birində 5-10 dolar verdikdən sonra sərbəst buraxırlar”.

Lakin bu sərbəstlik çox da uzun sürmür. Şəxsi maşınlarıyla gələn qonaqları yol boyu, Bakı'ya çatana qədər yol polisləri bir neçə yerdə “radara salıb” pul alıblar. Bakı'ya çatdıqdan sonra artıq qonaqlar maşınla gəzməkdən vaz geçiblər, yabançı nömrəylə dolaşmağın çox xərci olacağını anlayıblar. Şəhəri gəzərkən də güneyli qonaqlarımız xidmət mədəniyyətinin aşağı səviyyədə olmasının şahidi olublar.

Bəli, çiçəklənən respublikamızın giriş qapılarında mənzərə heç də ürəkaçan deyil. Bu ölkəyə ayaq basan yabançı bir də buraya gəlməyəcəyinə and içir, geriyə döndükdən sonra da həmvətənlərinə burada gördüyü eybəcərlikləri danışırlar. Uzun illərin yaramazlıqları İran vətəndaşında Azərbaycan'a qarşı bir qorxu hissi yaradıb, dolayısıyla Azərbaycan rüşvətxor polislər üzündən özünü böyük turist gəlirləri potensiyalından məhrum edib, bu turistlərdən ölkə xəzinəsinə daxil olacaq pullar bir qurup mə'murun özbaşınalığına qurban gedib.

Önəmli olan isə pul deyil. Müstəqil Azərbaycan'a ümid yeri kimi baxan milyonlarla insanın ümidini qırmaq elə bir cinayətdir ki, bunu sözlə ifadə etmək çətindir... Mədəni insan öz qardaşına qarşı bu cür rəftar etməməlidir. Fars molla rejimi əsarətində böyük məhrumiyyətlər yaşayan bu insanların bizim bir xoş sözümüzə, diqqət və qayğımıza nə qədər ehtiyacları olduğunun fərqindəmisiniz?

22 yaşlı gözəl qızımız Türkan Urmulu'nun ürək yaxan misralarına diqqət edin:

Gözləri çox umudsuz!
Gözəl baxış görməyib!
Kiprikləri cum culaq!
Bax sən ona, arxadaş!
Dodaqları bəm bəyaz!
Umud gölü çox dayaz!
Dondurur qəlbin ayaz!
Öp, sən onu, arxadaş!
O çooox! Amma çox qərib!
Gülüş nədir? Bilməyib!
Sevgi ona gülməyib!
Gül sən ona, arxadaş!
Sev sən onu, arxadaş!

آردي-Ardı

پريناز محمدي

Pərinaz Muhəmmədi

------------------
Axşam başıdır
Siqara dodağında
Tüstüsü ciyərlərinə dola- dola
beyininde yeddi düşüncə yaranır
altısı qara biri ablaq

Gecə yarısıdır
Siqara dodağında
Tüstüsü ciyərlərinə dola- dola
Saçlarının qıvrılışından
minlər qamçı törənir sevgi yazarlarına
ürəyin nə törədəcək? Nə?

Səhər çağıdır
Siqara dodağında
Tüstüsü ciyərlərinə dola- dola
danulduzu göydən asır özünü
və sən hələ də
bir ağacın qalın budağına fikirləşirsən.

April 04, 2004

------------------
Sayıram
tox yatan günlərimi
Yoxsulluğumdan çıxsam
dünyaya borclu qalar ürəyim.
Sayırsan
quru südlərinin qutusunu
ana südü əmən günlərindən çıxsan
dünya borclu qalar sənə.

23 il ışığa açılan gözlərin
haçağ dilə gəlib, deyəcək:
“ Tanrı!...
Borcunu qaytar”

April 05, 2004

------------------
Səni gördüyümün ikinci gecəsi
xəyalın ilanı beyinimə dolaşdı
bu mor yurdun sultanını tapıb, çaldı
ürəyimdə partlayıb,
dəli sayağı yaşadım mən.

Dünən gecə istəkli əllərim
birisinin dar ağacını çalıb
asdı ilanı!

Boğazına doldu boğulmaq
gözüm önündə qaraldın “sən”

April 08, 2004

------------------
Donma, siberidə deyil sən
qara bürünmüş "Təbriz"dir bura
Buranında göyündən
şaxtalı qəndillər aslanar
İti sazaqları inci doğar gözlərdə
Səni qəriblər yurdundan tutub
Təbrizə gətirmişəm büyün

Suçun…
Bir baxış!

Ala duvarlı otaqdasan
zəncir deyil, kələfçə deyil
əl- ayağına dolaşanlar
Ürəyimin tel- tel damarlarıdır
Hələlik bu zindanda qalmalısan
bəlkə bir gün əfv yedi gözlərinə!

April 10, 2004

------------------
Görüşümüzün il dönümüdür sabah!

Və sən uzaqlardasan
günəşin batma durumunda
Qaş səndə başlanır
və mən səndə qurtarıram
son sevgimi!

Görüşümüzün il dönümüdür sabah!
Və mən gizli- gizli
gilələrimi gizlədirəm avucumda
İtirməyəm baxışlarını
qarışmayam yeni bir oyuna

Görüşümüzün il dönümüdür sabah!
Ancaq mum yandırmayacağam
çiçək almayacağam bu qurtuluşa
yalnız gülə- gülə batacağam susqunluğa.

Görüşümüzün il dönümüdür sabah!
Səhər açılmasın keşkə
sən ələ çatmaz uzaqlardasan!

April 23, 2004

------------------
Qürbətdə yaşamaq tüfəngin tək
çiyinində əğırlıq eyləsə
və ağır potunların
yalqızlığını daşıyanmasa

Səhərlər dağların sərin havası
ciyərlərinə dolmasa
və gecələr betonlı banı yerinə
ulduzlar gözünün önündə durmasa

Geçindir ürəyini o boğuntu havada
Sanma darıxan yalnız “sən”sən!

Burada
Tabrizin bütün küçələri darıxır sənə

April 25, 2004

------------------
Dəlilik yağırı odamdan büyün
Sazaqlı duvarlar söykənir mənə
Qolçağım tərpənir süzdürür gözün
Balasın uydurub, qoşulur mənə

Dəlilik yağırı odamdan büyün
Qələmim ağlayır, dəftərim gülür
əksin solumda qahqaha çəkir
Sonunda xatirən sağımda durur

Dəlilik yağırı odamdan büyün
Həsrətin bütövlük sarışıb mənə
Sən dəli, mən dəli, fələk lap dəli
Gah dodaq büzürü, gah gülür mənə.

April, 2004

------------------
Məni haralara sürüyəcəksən?!
Yolun birinci durumundayıq hələ
Dayan!

Sən ki, varlığıma inanmamısan,
dağlığıma inan barı!
Başımın qarsızlığına da baxma
Savalandan öyrənmişəm dağ olmağı
Dayan!
çökmərəm, dağılmaram
gülüşümün al çiçəklərini də
soldura bilməz heç xəzan

Dayan qarşına çıxan acılar önündə
Sən ki, rüya deyilsən
bir kiprik çalınmasında bitəsən tez!

“Yenilməz gərçəyim!” Dayan!
Yolun birinci durumundayıq hələ
Sən məni haralara sürüyəcəksən?!

May 16, 2004

------------------
İsm..., İsm..., İsm...
İsmlər ilan sayağı boynuna dolaşıb
Dar ağacına salam söyləyibsən bəlki?!
Qulaqlarım eşitmədən salamlayıb səni
və sən “İsmlər” boynuna dolaşa- dolaşa
mənimi çağırırsan?
Qulaqlarım eşitmir
ancaq hissim deyir bunu çığıra-çığıra

Nə bilim bu nə biçim ismdir içimdə gəzir
Qoymayır salam söyləyəm dar ağacına
məni sənə sarı çəkir
Mənmi qıracağam dar ağacının ipini?
Ancaq tək başıma gücüm yetməyir!

Yardım edərmisən mənə?
Yoxsa uzaqdan- uzağa
qanına bələşəcəksən
Ya ki, gözlərim görə- görə
uçacaqsan mavi göylərdə
Məni yerlər darısqanlığında buraxacaqsan
Yalnız bir dar ağacı qalacaq, bir də mən!

“Marxism, socialism, nihilism...”
İsmlər başım üstə fırlana- fırlana
bu yeni qurulmuş ismi düşünürəm

Yaşamism düşüncəsi var məndə!

Yardım edərmisən mənə?
Yoxsa, dar ağacına salam söyləyibsənmi?

June 06, 2004 15:40

------------------
Amandır! Yol ver gözlərimə!
Yarışmaqdadır düşüncələr duyğularımla
Öpüşməkdədir göz yaşları yanaqlarımla
və mən tələsik ayaqlarımı qabaqlayıram

Amandır! Yol ver gözlərimə!
Dikilib baxışlarım getdiyin yola
Bıraxmayır məni ılğımı
Bu sevginin ılğım olmağından
qorxu var ürəyimdə
Gərçəyi görmək istəyirəm
Amandır! Yol ver gözlərimə!

Sonsuz yollar çəkir aparır xəyalını
Dirçələnib önündə bir incə duyğu
ancaq getməlisən
Yalqız yola düşmə!
Amandır! Yol ver gözlərimə!

June 24, 2004

------------------
Qarışqa kəpənək olmaq həvəsiylə
oda salır özünü
ərimiş mumlar içində quylanır,
çiçək gətirən olmayır məzarına
və mən qarışqa olmaq həvəsiylə
qəbrinə sarışıram
Yol tapıb içəriyə girirəm
kəmiklərindən dostluq qoxusu gəlir
nəfəs alıram səndən
uşaqlıq çağlarımı quylayıram ürəyimdə
dışarıya çıxıram və
kəpənək olmaq həvəsiylə
oda salıram özümü!

June 26, 2004

------------------
Bu ölkədə minlər “İnsan” tutulub
Suç yazılıb onlara
Günahsız barmaqlarından dırnaqlar çəkilib
Maskasız üzlərindən üzlər soyulub
və sonunda min kərə asıblar onları “adamlar”!
Bu arada birisi hələ dar ipi
boynunun damarını xıncıtmadan
sevgilisinin çığırışından boğulub
Həsrətinin kölgəsində can verib
“Dağlar” çığırışını eşidiblər
qorxudan qaytaranmayıblar səsini
və indi, illər boyudur
bir uca hayqırış
“mor dağların”
boğazında qalıb.

June 29, 2004

------------------
Günəş deyilmiş gözlərin!
Yalqızlığımın çərçivəsindən
zolaqların toprağıma düşəndə,
can almışıdım
ürəyim çiçək açmışıdı
ancaq, günəş deyilmiş gözlərin!

Sankı cığırda yoxumuş duyğularında
ki geçənmədim ürəyindən
Dayandığım yerdə qurudum,
daş oldum
mənə də çənsiz dağ dedilər

Darıxsan mənə sarı gəl
Sevgin olursa deş bağrımı
Görəcəksən yazılıb
Günəş deyilmiş gözlərin
Aldanmışıdım
ürəyim çiçək açmışıdı!

July 23, 2004

------------------
Qaranlıqdır, kibrit çəkirəm
Bir bucaqda ağac budaqlarını göyə çırmalayıb
və uşaqlığım budağa çatmaq həvəsiylə
boy atmağa tələsir

Qaranlıqdır, kibrit çəkirəm
Bir bucaqda, gencliyim hövüşnələriylə
Beyinim düşüncələriylə
və duyğularım sevişməylə aldadır özünü

Qaranlıqdır, kibrit çəkirəm
ürəyimin sonuncu bucağında
budaqlarını kəsəcəklər
gövdəni sürgünə yollayacaqlar
və bəlki də bir səhər
xəyalını asacaqlar gözlərimdən

Qaranlıqdır, kibrit çəkirəm
Boşluq bütövlükdə ürəyimə dolur
çəkdiyim kibritləri birər- birər
qolum üstə söndürürəm
Qaranlıqdır ancaq
gələcəyi lap aydın görürəm!

August 02, 2004 15:10

------------------
Gözlərim damarlarımdan qanımı somurur
Səni yaşadanmıram şeirlərimdə
və bu yeni açılmış dəftərim
yazılmamış qıçım üstə uyur

Gözlərim damarlarımdan qanımı somurur
və ürəyim hövüşnəli
gələcəyin qapılarına sarılır
kim boylanacaq ruhumun pəncərəsindən,
duyğumun duvarından?
və yazın ortasında
kim yaxacaq sonsuz gülüşü dodaqlarıma?

Gözlərim damarlarımdan qanımı somurur
Qıyma budaqlarım quruya.

September 15, 2004

------------------
Dunyanın quralını tapsaydım
Aldanmazdım tanrının şirin yalanlarına
və bir ömür baxışlarının cırğını çəkməzidim
gözlərimi bağlayardım gülüşünə,
pisliklərə dirənməzidim

Dunyanın quralını tapsaydım
Cəhənnəm istisini ürəyimdə duya- duya
sərin qucağından heç çəkilməzdim
Heç də diksinməzdim bir gecə
cisminin duvarından aşıb
ruhunu çalmadan

Dunyanın quralını tapsaydım
Dırnaqlarım daha ətimə batmazdı
ən dəyərli varlığımı avucumda sıxmaqdan
Çim çakməzdim
tüstü qoxulu körpələri bağrıma basmaqdan

Ah…
Bir bu dunyanın quralını tapsaydım bulmacalarda!

September 27, 2004

------------------
Məni gözlərinə doldur
Kipriklərinin ardında daldalanmaq istəyirəm
Daha çox istəkli olursam sənə
qaytar məni bir gün ürəyinə doldur

Aman…
Bu gecə ruhum eşinir bədənimdə
Bir dönədə gözlərimi açsam səhər sənsizliyə,
calanacağam sərin havaya,
itəcəyəm bəlki nəfəslər içində

Nə olar?!
Tab məni o səhər “ sevgİlİm ”
isti- isti ciyərlərinə doldur

December 06, 2004

------------------
Yenə gözlərini itirmişəm yollarda
Öpüşlərinə tələsirəm düşlərimdə
və qucağının sıcaqlığını arayıram
bir bə uyxularımda
Ürəyim səni özləyir
və əllərim uçurtmadığım kəpənəkləri oxşayır

Ah…
Necə gözlərimə uyxu gələcək bu gecə sənsiz
“ ah” larımı boğula- boğula udqunuram
Dodaqlarım buz bağlayıb!

Bura sənsiz soyuq…
Soyuq…
Soyuq…
…

February 07, 2005

------------------
Gecə tez çökmüş odaya büyün
heç bir ışıq yox
həlbət sən gedibsən
Bir vida çağı kimi bura susqun, həzin
içimdə ölüşgəyən bir fıdan
toprağıma qarışmaq istəyir
dirildə bilsəyidim onu!
Qayıtmağının umuduna
yazıram bu sona çatmayan şeiri
səni çağırır dodaqlarım
uzaqlardan səs ver mənə
dağlar hələ də bizim yardımcımız
çıxıb gəlmək istəsən
əriyəcəklər qıssa bir anda
lötgəni dağlar dənizini sal
qollarım açıq, seni bəkləcəyəm qaranlığın bağrında
yalqızlığımda qayıtmağının umuduna
yazıram bu sona çatmayan şeiri
Gecə tez çökmüş odaya büyün
heç bir ışıq yox
həlbət sən gedibsən…

March 24, 2005

------------------
Gözlərimə baxma!
min illik itiraz odu qalanıb içində
yaxınlaşarsan közləri damğalayar gözlərini

əllərimə baxma!
nisgillər qamçısı var avucumda
alarsan əllərimi əllərinə
ölmüş arzuların ipiylə qamçılanarsan

barmaqlarıma baxma!
Saya gəlməyən qədər
qəbir qazmışam adamlara
gömərmişəm gövdələrini
dərin- dərin qaranlıqlarda

dodaqlarıma baxma!
aslan ürəyi yemişəm gəncliyimdə
bunların hamısını buraxaraq ürəyimə bax!
ürəyimə bax!
mən bir qadınam!

March 29,2005

------------------
Burada birisini qadınlıq cürmünə qurşuna bağlayırlar
Anadan olduğuna peşmanlamayıb gözləri
Ürəyindəki sərtlik əllərinə və gövdəsinə dayaq durmuş
Kimsəyə yalvarmayıb bu hırsız
Qara tanrılardan qalan yasaları
Ləçəyinə düyünləyib bir zaman
Və indi
Günahsız ürəyinə taxıllar
Qadınlıq cürmünü
Baxışlarla toxunullar namusuna hər an
Qurd dağıdıb şərəfi bu ölkədə artıq
" İnsan" tapasan öp əllərini sevgilim!

April 19,2005

------------------
Mənim bu dörd bucaqlı dünyamda
yaratmağa nə qalıbkı?!
yaranışın ən acıları
düzülüblər ard-arda kölgəmdə
mən olmasam harada ağır yüklərini yerə qoyacaqlar
ah…
bir nağıl yazsam
bir qoşma qoşsam
bir şeir desəm
acıları boşaldaram sözcüklərə
rühümün titrək damarları dincələr bir an

Nə umursan əllərimdən ürək?!
mənim bu dörd bucaqlı dunyamda
günlər illərcə uzanıb
Yeddi il çəkəcək yaşamımın şeirin yaradam.

May 24, 2005

------------------
Məni dağlar ətəyində quylayın
Bəlki bir səhər gözüm üstə ayaq qoya sevgilim
Anılarıma can bağışlaya bir kez daha!

Məni dağlar ətəyində quylayın
Yol yorğunu olanda
Oba qura bağrımda
Ot qalaya könlümdə
Gecə çökəndə gözlərin baş qoya çiyinimə,
Bir gecəlik qoynumda uyuya.

Bu son arzum
Məni dağlar ətəyində quylayın!

July 16, 2005

------------------
Bu gecə dağları çiyinimə alacağam
Gücüm yetsə dərdlərini də
yapraq-yapraq solub toprağa dalacağam
Günəşi gözləmək olarmı sənsiz?

Sən yoxsan ki, bu şəhərdə
qayıtmağın bir ömür çəkəcək
Gecəni gündüzə,
gündüzü gecəyə,
zamanı zamana düyünləmək olarmı sənsiz?

August 12, 2005

------------------
“Sən yoxsan bu şəhərdə!”
şeirlimin başlanışı

“Sən yoxsan bu şəhərdə!”
şeirlimin qurtarışı

“Sən yoxsan bu şəhərdə!”
yaşamımın…
başlanışı
geçmişi
gələcəyi
və qurtarışı!

September 16, 2005

آردي-Ardı